2020-рэ илъэсым имэлылъфэгъу мазэ къыщегъэжьагъэу сабый къызэрыхъухьэгъэ унагъоу ны мылъкум исертификат къызтефэхэрэм тхылъхэр агъэхьазырынхэу ищыкIэгъэжьэп.
УФ-м ПенсиехэмкIэ ифонд испециалистхэм пэIудзыгъэ шIыкIэм тетэу ахэр афагъэхьазырых. ИлъэситIоу ащ ыуж тешIагъэм Адыгеим щыпсэурэ унэгъо 5415-мэ ащ тетэу афагъэпсыгъ.
КIэлэцIыкIур къызэрэхъугъэр, унагъом ны мылъкур къызэрэтефэрэр къэзыушыхьатырэ тхылъхэр ЗАГС-р ары фондым къыIэкIэзыгъахьэхэрэр. Ащ къыпкъырыкIхэзэ, нэмыкIэу ищыкIагъэхэр агъэпсых. Сертификатыр зэрэхьазырыр ПенсиехэмкIэ фондым икъэбарлъыгъэIэс системэ щагъэнафэшъ, къэралыгъо фэIо-фашIэхэм япортал е фондым иинтернет нэкIубгъо «унэе кабинетэу» ным щыриIэм агъэхьы.
Джащ фэдэу кIэу ны мылъкум фэгъэхьыгъэ программэм къыхэхьагъэхэм ащыщ сертификатыр тхьапэм темытэу, электроннэ шIыкIэм тетэу зэрэгъэпсыгъэр. Ау ащ пае къэмынэу ным ищыкIагъэ зыхъукIэ, тхьапэм тетэуи къаIихын ылъэкIыщт.
Сабыир апIунэу зыштэгъэ унагъохэм мы шапхъэхэр анэсыхэрэп. Ахэм лъэIу тхылъри, нэмыкIэу ищыкIагъэхэри ежьхэм ашъхьэкIэ рахьылIэн фае.
УФ-м ПенсиехэмкIэ ифонд и Къутамэу АР-м щыIэм ипресс-къулыкъу