УхъумакIохэм ашIокIыгъэхэп

СКА — Ростов-на-Дону — «Зэкъошныгъ» Мые­къуапэ — 2:0 (2:0).
Бэдзэогъум и 30-м Ростов-на-Дону щызэдешIагъэх.

«Зэкъошныгъ»: Хьачыр, Кириленко, Т. Хъуа­кIо (Васильев, 46), Гусенгаджиев, Лысенко, Дат­хъужъ, Къонэ, Крылов (Iащэ,
68), Макоев (Антоненко, 68), Оразаев, Пекъу (Хьасанэкъу, 89).

Къэлапчъэм Iэгуаор дэзыдза­гъэхэр: Федчук — 3, Стрельчук — 34, СКА.

ЕшIэгъур зырагъажьэм, «Зэ­къошныгъэр» псынкIэу ыпэкIэ илъыгъ. Пекъу Ислъам метрэ 20 фэдизкIэ зыпэчыжьэ къэлапчъэм лъэшэу дэуагъ, СКА-м икъэлэп­чъэIут Iэгуаом кIуапIэ ритыгъэп, угловоим ыгъэкIуагъ. СКА-р ошIэ­-дэмышIэу ыпэкIэ къылъыкIуати, «Зэкъошныгъэм» икъэлапчъэ Федчук Iэгуаор дидзагъ — 1:0.

Пчъагъэр 2:0 зэхъум «Зэкъошныгъэр» бэрэ ыпэкIэ лъыкIотагъ, ау хъагъэм Iэгуаор ридзэн ылъэ­кIыгъэп. СКА-м ухъумэн Iофы­гъохэр дэгъоу ыгъэцэкIагъэх. «Зэкъошны­гъэм» гъогогъуи 10 угловоир къытыгъ, СКА-м иешIа­кIохэр бэрэ ыгъэгумэкIыгъэх, гуетыныгъэ хэлъэу ешIагъ шъхьае, пчъагъэм зэ­хъо­кIыныгъэ фишIын ылъэкIыгъэп.

Хэгъэгум футболымкIэ изэнэ­къокъоу ятIо­нэрэ купым щыкIорэм ятIонэрэ зэIукIэгъу-хэр щызэхащагъэх.

КIэуххэр

«Ессентуки» — «Кубань==-Холдинг» — 0:1, «Спартак» — «Ротор» — 0:2, «Мэщыкъу» — «Черноморец» — 0:0, «Динамо» Ст — «Легион» — 0:0, «Форте» — «Биолог» — 0:0, «Чайка» — «Алания-2» — 1:0.

Командэ 14 ятIонэрэ купым хэт, зэIукIэгъуи 7 яIагъ. Къэлап­чъэм Iэгуаор гъогогъуи 6 ныIэп зэрэдадзагъэр. УхъумакIохэр дэ-­
гъоу ешIэхэу плъытэщтми, хъа­гъэм Iэгуаор нахьыбэрэ радзэ тшIоигъу. «Динамо», «Зэ­къошныгъ», «Легион», «Черноморец», «Форте», «Ессентуки» — мы командэхэм илъэсыкIэ ешIэгъум къэлапчъэм Iэгуаор зыкIи дадзагъэп.

ЧIыпIэхэр

1. «Ротор» — 6
2. «Кубань-Х» — 6
3. СКА — 4
4. «Биолог» — 4
5. «Чайка» — 3
6. «Мэщыкъу» — 2
7. «Динамо» — 2
8. «Легион» — 1
9. «Черноморец» — 1
10. «Алания-2» — 1
11. «Спартак» — 1
12. «Зэкъошныгъ» — 1
13. «Форте» — 1
14. «Ессентуки» — 0.

Я 3-рэ ешIэгъухэр

7.08
«Зэкъошныгъ» — «Чайка»
«Легион» — СКА
«Алания-2» — «Ессентуки»
«Биолог» — «Спартак»
«Кубань-Х» — «Форте»
«Ротор» — «Мэщыкъу»
«Черноморец» — «Динамо».