Федеральнэ законэу N 237-р зытетэу «Къэралыгъо кадастрэ уасэм ехьылIагъ» зыфиIоу 2016-рэ илъэсым бэдзэогъум и 3-м къыдэкIыгъэм, Адыгэ Республикэм мылъкум епхыгъэ зэфыщытыкIэхэмкIэ и Комитет иунашъоу N 45-р зытетэу «АР-м ичIыгу Iахьхэм якъэралыгъо кадастрэ уасэ игъэнэфэн зэрэзэхащэрэм ехьылIагъ» зыфиIоу 2021-рэ илъэсым мэзаем и 25-м зыкIэтхэжьыгъэхэм атегъэпсыхьагъэу Адыгэ Республикэм ичIыгу Iахьхэм якъэралыгъо кадастрэ уасэ агъэнафэ. Кадастрэ уасэм игъэнэфэн фэхъугъэ кIэуххэм ялъытыгъэу къэралыгъо бюджет учреждениеу «Къэралыгъо кадастрэ уасэмкIэ Адыгэ республикэ гупчэм» отчетым ипроект электрон документ шъуашэ иIэу зэхегъэуцо.
Отчетым ипроект зигугъу къышIырэ материалхэр 2022-рэ илъэсым бэдзэогъум и 21-м Росреестрэм фондым IэкIигъэхьагъэх. КъыкIэлъыкIорэ сайтхэмкIэ отчетым ипроект нэIуасэ зыфэшъушIын шъулъэкIыщт:
— Росреестрэм иофициальнэ сайткIэ: https://rosreestr.ru (разделэу «Услуги и сервисы» зыфиIорэм);
— Адыгэ Республикэм икъэралыгъо бюджет учреждениеу «Къэралыгъо кадастрэ уасэмкIэ Адыгэ республикэ гупчэр» зыфиIорэм иофициальнэ сайтэу https://gko-adyg.ru (разделэу «Проект отчета» зыфиIорэм).
Кадастрэ уасэм игъэнэфэнкIэ е отчетым ипроекткIэ щыкIагъэ горэхэм гу алъышъутэмэ, мэфэ 30-м къыкIоцI (отчетым ипроект къызщырагъэхьэгъэ мафэм къыщыублагъэу) зафэжъугъэзэн шъулъэкIыщт.
Отчетым ипроекткIэ дао горэхэр зиIэхэм «Къэралыгъо кадастрэ уасэмкIэ Адыгэ республикэ гупчэм» рахьылIэнхэ алъэкIыщт яеплъыкIэхэр. Ежь ашъхьэкIэ ахьыхэми хъущт, ИнтернетымкIэ аIэкIагъэхьанхи алъэкIыщт. Отчетым ипроект фалъэгъурэ щыкIагъэхэр арахьылIэнхэм пае мы къыкIэлъыкIохэрэр ищыкIагъэх:
1) зыгъэхьырэм ылъэкIуацI, ыцIэ, ятацI, телефоным иномер, электрон почтэм иадрес;
2) Iофыр зыфэгъэхьыгъэ псэуалъэм кадастрэ номерэу иIэр;
3) гъэтэрэзыжьынхэр зищыкIэгъэ чIыпIэхэр зэрыт нэкIубгъохэр.
Федеральнэ законэу N 237-р зытетэу «Къэралыгъо кадастрэ уасэм ехьылIагъ» зыфиIоу 2016-рэ илъэсым бэдзэогъум и 3-м къыдэкIыгъэм ия 14-рэ статья къыдилъытэрэ шапхъэхэм апэшIуекIорэ даохэм ахэплъэщтхэп.
Адыгэ Республикэм икъэралыгъо бюджет учреждениеу «Къэралыгъо кадастрэ уасэмкIэ Адыгэ республикэ гупчэр» зыдэщыIэр: 385013, Адыгэ Республик, къ. Мыекъуапэ, ур. Пролетарскэр, 304-р; тел. 8(8772)-57-97-27. ИнтернетымкIэ официальнэ сайтыр: https://gko-adyg.ru.
Iоф зэришIэрэр: блыпэм – мэфэкум: сыхь. 9.00 – 18.00; бэрэскэшхом: сыхь. 9.00 – 17.00; зэпыугъор: сыхь. 13.00 – 13.48; шэмбэтымрэ тхьаумафэмрэ – гъэпсэфыгъо мафэх.