ПочтэкIэ агъэхьын алъэкIыщт

Мы илъэсым Урысыем ит апшъэрэ еджапIэхэм янахьы­бэм яприемнэ кампаниехэм мэкъуогъум и 20-м къы­ще­гъэжьагъэу бэдзэогъум и 27-м нэс Iоф ашIэщт.

Гурыт еджапIэр къэзыу­хырэ ныбжьыкIэхэу Мые­къуапэ дэмыт апшъэрэ еджапIэхэм ачIахьэхэ зышIоигъохэм ядокументхэр Урысыем и ПочтэкIэ агъэхьынхэ алъэкIыщт.

Республикэм почтэм иотделениеу ит пэпчъ къыз­фа­гъэфедэн амал яI. Хэукъо­ныгъэ умышIэу до­кумент­хэр бгъэпсынхэ фае, ащкIэ почтэм иIофы­шIэхэр IэпыIэгъу къыпфэ­хъущтых. Квитанциеу къыуатыжьырэр бгъэкIоды хъущтэп. Урысыем и Почтэ имобильнэ приложение е сайтыр къызфэбгъэ­федэзэ трек­-номерымкIэ письмэм къы­кIурэ гъогум, зынэсыгъэм уалъыплъэн олъэкIы.

Ащ нэмыкIэу, нахь псын­кIэу документхэр зыгъэхьы зышIоигъохэм экспресс шIыкIэу EMS-р агъэфедэн алъэкIыщт. Курьерым тхьапэхэр ыштэн­хэшъ, зищыкIагъэм нигъэсыщтых.