Iоныгъор аублагъ

Илъэсым къыкIоцI республикэм ичIы­гулэжьхэр зыдэлэжьэгъэхэ бжыхьа­сэхэм яугъоижьын иуахътэ къэсыгъ.

ЗэкIэмкIи республикэм ихъызмэтшIапIэхэм бжы­хьэ­сэ гектар мини 105,8-м ехъу апхъыгъагъ. Ащ щыщэу хьэм — гектар мини 10,9-рэ, коцым — гектар мин 84,2-рэ, тритикалым — гектар 495-рэ арагъэубытыгъ. Джащ фэдэу рапс гектар мини 10,4-рэ чIыгум рагъэкIугъ.

Пстэуми апэ хьэм иIо­жьын зыщыфежьагъэхэр Красногвардейскэ, Джэджэ, Шэуджэн районхэр ары. ГурытымкIэ зы гектарым центнер 58,7-рэ къырахы. Мэкъуогъум и 20-м ехъулIэу республи­кэм хьэ гектар 1000 щы­Iуахыжьыгъ, тонн 5873-рэ къахьыжьыгъ.

ДЕЛЭКЪО Анет.