Адыгеим иныбжьыкIэ гвардейцэхэмрэ «Волонтерская рота» зыфиIорэм ишъолъыр къутамэрэ шIушIэ Iофтхьабзэ зэхащагъ.
Тхьамафэм къыкIоцI шIушIэ IэпыIэгъу зыщаугъоирэ пунктхэм ахэр ащыIэщтых ыкIи зыныбжь хэкIотагъэхэм IэпыIэгъу афэхъущтых. Партиеу «Единэ Россием» и Шъолъыр общественнэ приемнэ IэпыIэгъу зищыкIэгъэ цIыфэу къеолIагъэхэм апае гъомылапхъэхэр зэрылъ Iалъмэкъхэр апэрэ мафэм агъэхьазырыгъэх.
— НыбжьыкIэхэр тигъусэхэу Донецкэ къикIыжьыгъэхэу Мыекъуапэ щыпсэухэрэр къэткIухьагъэх. ШIушIэ IэпыIэгъум иугъоинкIэ ыкIи игощынкIэ ахэм яшIуагъэ къэкIо, — еIо партиеу «Единэ Россием» и Генсовет хэтэу, «НыбжьыкIэ Гвардием» АдыгеимкIэ ипащэу, депутатэу Бэрзэдж Асыет.
— «Волонтерская рота» зыфиIорэм и Шъолъыр отделение бэ— шIагъэп иIофшIэн Адыгеим зыщыригъэжьагъэр. Мыщ фэдэ IофтхьабзэкIэ ар тыублагъэ. ЦIыфхэм IэпыIэгъу тафэхъун зэрэтлъэкIыщтым тегъэгушхо, — еIо АдыгеимкIэ «Волонтерская рота» зыфиIорэм ипащэу Роман Купиным.