Урысыем и Мафэ ехъулIэу агъэхьазырыгъэ культурнэ программэр

Урысыем и Мафэ — мэкъуогъум и 12-р — 1991-рэ илъэсым къыщыублагъэу зыгъэпсэфыгъоу агъэнэфагъ. МэфэкIым ехъулIэу культурнэ программэу агъэхьазырыгъэм шъущытэгъэгъуазэ.

Къэгъэлъэгъонхэр — мэкъу­огъум и 1-м къыщыублагъэу и 30-м нэс.

КъокIыпIэм щыпсэурэ лъэпкъ­хэм яискусствэкIэ Къэ­ралыгъо музеим икъутамэу Мые­къуапэ дэтыр

Къалэу Мыекъуапэ, урамэу Первомайскэр, 221-р гъубдж — бэрэскэшхо мафэхэм сыхьатыр 10.30-м, шэмбэтымрэ тхьаумафэмрэ сыхьатыр 11-м щегъэжьагъэу пчыхьэм сыхьатыр 7-м нэс зэIухыгъэщт.

Къэгъэлъэгъонэу «Традиционная одежда народов Чукотки». Гупчэ музееу «Чукоткэм икIэн» зыфиIорэ угъоигъэхэм къахэхыгъ.

Къэгъэлъэгъонэу «Ида Таубе. Чукотка. Точка отсчета».

ЛэупэкIэ Нурбый икъэгъэлъэ­гъонэу «От мифа к реальности».

Билетхэр зыщыпщэфынхэ плъэкIыщтыр (Пушкинскэ картэр зыIыгъхэри ахэтхэу) КъокIыпIэм щыпсэухэрэм яискусствэкIэ Къэралыгъо музеим и Темыр Кавказ къутамэ икасс.

Адыгэ Республикэм исурэт къэгъэлъэгъуапI

Къалэу Мыекъуапэ, урамэу Краснооктябрьскэр, 27-р (мафэ къэс сыхьатыр 10-м щегъэжьагъэу пчыхьэм сыхьатыр 6-м нэс) ар зэIухыгъэщт.

Урысые сурэттехыгъэ къэгъэ­лъэгъонэу «Берега-2022» Урысыем и Мафэ ипэгъокIэу; ащ хэгъэгум зэлъашIэрэ исурэттех IэпэIасэхэр хэлажьэх.

Билетхэр зыщыпщэфын плъэ­кIыщтхэр (Пушкинскэ картэмкIи) сайтым ит.

Театрэр

Адыгэ Республикэм и Урыс къэралыгъо театрэу А.С. Пушкиным ыцIэ зыхьырэм О. Генри ирассказхэм атехыгъэ спектаклэу «Приключения Джонни Дорсета» — мэкъуогъум и 11-м, пчыхьэм сыхьатыр 4-м.

Пчыхьэм сыхьатыр 6-м — «Звени и пой, златая Русь!» — станицэу Ханскэм культурэм и Унэу дэтым итворческэ коллективхэм ямэфэкI концерт (ст. Ханскэр, культурэм и Ун).

Пчыхьэм сыхьатыр 6-м къыщыублагъэу 9-м нэс «Цвети и пой, моя Россия» зыфиIорэ къэшъо-зыгъэпсэфын пчыхьэзэхахьэр къэлэ паркым щыкIощт.

Пчыхьэм сыхьатыр 7-м къыщыублагъэу 9-м нэс Адыгэ Республикэм искусствэхэмкIэ иIэпэIасэхэмрэ творческэ коллективхэмрэ ямэфэкI концерт Гупчэу «Зэкъошныгъэм» щы­кIощт.

Пчыхьэм сыхьатыр 8-м ГДК «Гигантым» художественнэ фильмэу «Последний богатырь» къыщагъэлъэгъощт.

Пчыхьэм сыхьатыр 9-м мэфэкI фейерверкыр Гупчэу «Зэкъошныгъэм» къыщатыщт.

Адыгэ Республикэм культурэмрэ искусствэм­рэкIэ иуч­реждениехэр Урысыем и Мафэ фэгъэ­хьыгъэ Iофтхьэбзэ зэфэшъхьафхэм ахэлэжьэщтых

Iофтхьабзэу «Урысыем ибыракъхэр». Культурэм ыкIи искусствэм АдыгеимкIэ иIофшIапIэхэм яшъхьаныгъупчъэхэм урысые быракъым исурэтхэр, ащкIэ тематическэ сурэтшIыгъэ­хэр атырагъэуцощтых.

Iофтхьабзэу «Слово России». Студентхэу искусствэхэмкIэ Адыгэ республикэ колле­джэу У. Тхьабысымым ыцIэ зы­хьы­рэм «Актерскэ искусствэр» зыфиIорэ икъутамэ чIэсхэр ще­джэхэрэр къалэу Мыекъуапэ ианахь чIыпIэ хэхыгъэхэм адэжь Урысыем ехьылIэгъэ усэхэу ежьхэм атхыгъэхэм къыщяджэщтых.

Iофтхьабзэу «Лица России». Урыс къэралыгъо драматическэ театрэм иартистхэм ясурэтхэр соцсетьхэм къарагъэхьащтых. Мы акцием искусствэхэмкIэ Адыгэ республикэ колледжэу У.Хь. Тхьабысымым ыцIэ зыхьырэм истудентхэр хэлэжьэщтых.

Урысые онлайн-акциеу «Я люблю тебя, моя Россия!» Мы темэмкIэ видеороликэу Урыс къэралыгъо драмтеатрэу А.С. Пушкиным ыцIэкIэ щытым иартистхэм яIофшIагъэхэр соцсетьхэм къарыхьащтых. Мыщ джащ фэдэу хэлэжьэщтых Адыгэ республикэ тхылъеджапIэу зымылъэгъухэрэм яер ыкIи Адыгэ республикэ кIэлэцIыкIу тхылъеджапIэр.

Флешмобэу «Урысыем и Гимн». Мыщ хэлэжьэщтых Адыгэ республикэ тхылъеджапIэу зымылъэгъухэрэм яем итхылъеджэхэр, ахэр къяджэщтых Урысыем и Гимн исатырэ зэфэшъхьафхэу ежьхэм къыхахыгъэхэм ыкIи соцсетьхэм къарагъэуцощтых.

«Урысыем итамыгъэхэр». Поселкэу Каменномостскэм искусствэхэмкIэ икIэлэцIыкIу еджапIэ иеджакIохэм еджэпIэ щагур Урысыем итамыгъэхэмкIэ агъэдэхэщт.

Iофтхьабзэу «Хорыр». ИскусствэхэмкIэ кIэлэцIыкIу еджапIэу N 1-м иеджакIохэр мыщ хэлэжьэщтых ыкIи Урысыем и Гимн къызэраIорэр соцсетьхэм къащагъэлъэгъощт.

Мы мэфэкI Iофтхьабзэхэм зэкIэми, хорым нэмыкIым, шIоигъоныгъэ зиIэхэр ахэлэжьэнхэ алъэкIыщт. Шъуакъыхэуцу!

МэфэкIым иджэпсалъэр — «Мы Россия. Мы Вместе».