ШIэжьыр орэмыкIод

Хьыкум приставхэм я Федеральнэ къулыкъу АдыгеимкIэ и ГъэIорышIапIэ иIофышIэхэр зыхэлэжьэгъэхэ патриотическэ Iофтхьабзэу «Поклонимся великим тем годам!» зыфиIорэр мы мафэхэм рагъэкIокIыгъ. Ар зекIо шIыкIэм тетэу зэхащагъ ыкIи Кавказ къэралыгъо биосфернэ заповедникым щыкIуагъ.

Iофтхьабзэм хэлэжьагъэхэр Хэгъэгу зэошхом хэкIодагъэхэм ясаугъэт екIолIагъэх ыкIи ащ къэгъагъэхэр кIэралъхьагъэх, ахэм зы такъикърэ афэшъыгъуа­гъэх, флешмобэу «Споемте вместе с нашими дедами!» зыфиIорэр зэхащагъ.
2015-рэ илъэсым къыщегъэжьагъэу зэхащэрэ патриотическэ ыкIи шIэжь Iоф­тхьабзэм хэлэжьагъэх Ростов ыкIи Астраханскэ хэкухэм, Къалмыкъ Республикэм, Краснодар краим къарыкIыгъэхэ лIыкIо купхэр.

Хьыкум приставхэм я Федеральнэ къулыкъу АдыгеимкIэ
и ГъэIорышIапIэ ипресс-къулыкъу