Сомэ миллиони 117-м ехъу къыфатIупщыщт

Лъэпкъ проектэу «Псауныгъэм икъэухъумэн» зыфиIорэм тетэу адэбз узхэм апэуцужьы­гъэ­нымкIэ Адыгэ Республикэм Iофышхо щызэ­шIуахы.Шъолъыр программэу «Адэбз узхэм Адыгэ Республикэм щапэуцужьыгъэныр» зыфиIорэм игъэцэкIэн пае 2021-рэ илъэсым сомэ миллиони 113,3-рэ къыхагъэкIыгъ.
А мылъкъумкIэ Адыгэ республикэ клиникэ онкологие диспансерэу А. Iэшъхьэмафэм ыцIэкIэ щытым, Адыгэ республикэ клиникэ сымэджэщым, Мыекъопэ клиникэ сымэджэщым медицинэ оборудовании 5 къафащэфыгъ.
Адыгэ Республикэм псауныгъэр къэухъумэгъэнымкIэ и Министерствэ ипресс-къулыкъу къызэритыгъэмкIэ, медицинэ организациехэм оборудованиякIэу ачIагъэуцохэрэм сомэ миллиони 117,7-рэ атефэщт. ГущыIэм пае, республикэ онкодиспансерым пае мыгъэ компьютернэ томограф ащэфынэу рахъухьэ.