Адыгэ Республикэм IофшIэнымрэ социальнэ хэхъоныгъэмрэкIэ и Министерствэ иунашъу

Социальнэ фэIо-фашIэхэм алъэныкъокIэ республикэ къэралыгъо уплъэкIунхэр зэхащэхэ зыхъукIэ Iофтхьабзэу зэшIуахыщтхэр зэратхэхэрэ тхьапэхэм арытыщт упчIэхэр ухэсыгъэнхэм ехьылIагъ

Федеральнэ законэу N 248-р зытетэу «Урысые Федерацием къэралыгъо ыкIи муниципальнэ уплъэ­кIуныр зэрэщызэхэщагъэм ехьылIагъ» зыфиIоу 2020-рэ илъэсым бэдзэогъум и 31-м къыдэкIыгъэм ия 53-рэ статья тегъэпсыхьагъэу унашъо сэшIы:
1. Стационар шIыкIэм тетэу социальнэ фэIо-фашIэхэр афэзыгъэцакIэхэрэм якъэралыгъо уплъэкIункIэ Iоф­тхьабзэу зэшIуахыщтхэр зэратхэхэрэ тхьапэхэм арытыщт упчIэхэр ухэсыгъэнхэу.
2. Къэбар правовой отделым:
— мы унашъор Адыгэ Республикэм IофшIэнымрэ социальнэ хэхъоныгъэмрэкIэ и Министерствэ исайт, джащ фэдэу Адыгэ Республикэм икъэралыгъо хабзэ игъэцэкIэкIо къулыкъухэм яинтернет-сайт аригъэхьанэу;
— мы унашъор гъэзетхэу «Советскэ Адыгеимрэ» «Адыгэ макъэмрэ», джащ фэдэу мазэм зэ къыдэкIырэ тхылъэу «Адыгэ Республикэм ихэбзэгъэуцугъэхэр» зыфиIорэм къыхаригъэутынэу.
3. Унашъом игъэцэкIэн зэрэкIорэм сэ сшъхьэкIэ сылъыплъэнэу зыфэсэгъазэ.
4. ЗыкIэтхэхэрэ мафэм щыублагъэу мы унашъом кIуачIэ иIэ мэхъу.

Министрэу Мырзэ Джанбэч
къ. Мыекуапэ,
гъэтхапэм и 22-рэ, 2022-рэ илъэс
N 76