Мыекъуапэ щешIэщтых

Урысыем волейболымкIэ иапшъэрэ лигэ икупэу «Б-м» хэт командэхэм я 9-рэ едзыгъом хэхьэрэ зэIукIэгъухэр мэлылъфэгъум и 2 — 3-м яIагъэх.

Мыекъопэ «Динамо-МГТУ-р» гъогогъуи 2 Шытхьалэ (Белореченск) щешIагъ. ЗэIукIэгъухэм якIэуххэм шъуащытэгъэгъуазэ.
СШОР Краснодар краир — «Динамо-МГТУ» Мыекъуапэ — 0:3 (13:25, 27:29, 11:25).

ЯтIонэрэ зэIукIэгъур

СШОР — «Динамо-МГТУ» — 0:3 (16:25, 12:25, 14:25).

— Волейболым хэгъозагъэхэу ешIэкIэ дэгъу къэзыгъэлъагъохэрэ Юрий Пичуевыр, Никита Филипповыр, Денис Вирченкэр нахь къахэщыгъэх. Джэнчэтэ СултIан ыцIэ зыхьырэ спорт еджа­пIэр къаухыгъ, ныбжьыкIэхэр зылъащэх, — къытиIуагъ «Динамо-­МГТУ-м» итренер шъхьаIэу, Адыгэ Республикэм изаслуженнэ тренерэу Павел Зборовскэм. — Спортым яIэпэIэсэныгъэ зэрэ­щыхагъахъорэм дакIоу тиешIа­кIохэр еджэх, сэнэхьат зэрагъэ­гъотыным пылъых.

Денис Вирченкэр Мыекъопэ къэралыгъо технологическэ университетым щеджэ. Александр Батуровымрэ Егор Разареновымрэ Мыекъопэ къэралыгъо технологическэ университетым иколледж чIэхьагъэхэу яшIэныгъэ хагъахъо.

Я 10-рэ едзыгъом хэхьэрэ зэIукIэгъухэр мэлылъфэгъум и 21 — 24-м Мыекъуапэ щыкIощтых, командэхэм пэшIорыгъэшъ ешIэгъухэр аухыщтых.

«Ростов-Волей» Ростов-на-Дону, «Ставрополь-СГАУ» Ставрополь, СШОР Краснодар край, «Динамо-МГТУ» Мыекъуапэ ти­къалэ щызэIукIэщтых.

Зэгъэпшэнхэр

1. «Обнинск» — 78
2. «Динамо» Иж — 76
3. «Дагъыстан» — 75
4. «Кристалл» — 75
5. «Ставрополь» — 44
6. «Динамо-МГТУ» — 41
7. «Ростов-Волей» — 30
8. «Тюмень» — 10
9. «Грозный-2» — 9
10. СШОР – 3.