«Краснодар» щысэшIу къегъэлъагъо

Урысыем футболымкIэ изэнэкъокъу хэлэжьэрэ командэхэу апшъэрэ купым хэтхэм 2021 — 2022-рэ илъэс ешIэгъум хэхьэрэ я 21-рэ зэIукIэгъухэр яIагъэх.

Зэтэгъапшэх

«Уфа» — «Нижний Новгород» — 0:0, «Арсенал» — «Динамо» — 1:4, «Локомотив» — ЦСКА 1:2, «Урал» — «Ахмат» — 0:0 «Химки» — «Шъачэ» — 0:0, «Крылья Советов» — «Зенит» — 1:1, «Спартак» — «Крас­нодар» — 1:2, »Рубин» — «Ростов» — 1:2.

«Локомотив» чIэнагъэ ышIыщт­ми зыми ышIагъэп. Юсуф Языджи ЦСКА-м мыгъэ аштагъ. ЕшIэгъуищмэ ахэлэжьагъ, гъогогъуищэ къэлапчъэм Iэгуаор ди­дзагъ. ЕшIэкIо анахь дэгъоу ар алъыти, зэхэщакIохэм къыхагъэщыгъ. Арэу щытми, пчъагъэр 1:1-у зэIукIэгъур аухынкIэ нэгъэу­пIэпIэгъу заулэ къэнагъэу Марио Фернандес ухъумакIохэм ябэнызэ Iэгуаор къызыIэ­кIигъахьи, хъагъэм ридзагъ, ЦСКА-м текIоныгъэр къызэрэдихыгъэр М. Фернандес ишIушIагъэу плъытэ хъущт. Iэгуаор ащ зыми къыритыгъэп, ежь-ежьырэу «къахитхъыгъ», хъагъэм ридзагъ.

Гуетыныгъэм шIуагъэу къыпкъы­рыкIыгъэр «Спартак» ыкIи «Краснодар» язэдешIэгъу щытлъэгъугъ. IэкIыб къэралхэм къарыкIыгъэхэ ешIакIохэр «Краснодар» хэкIы­жьыгъэх. «Спартак» ешIэкIо дэгъухэмкIэ зигъэпытагъ, апэ итхэм ахэхьан имурад. «Краснодар» ухъу­мэн Iофыгъохэр цыхьэшIэ-гъоу ыгъэцэкIагъэх. Я 86-рэ та­къикъым «Спартак» иешIакIохэм ащыщ шапхъэр зеукъом, судьям пенальтир ыгъэнэфагъ. Эдуард Сперцян къэлэпчъэIутэу Сели­хо­выр ыгъэплъэхъуи, лъэшэу зэо­гъэ Iэгуаор хъагъэм щычэрэгъугъ — 1:2 пчъагъэр хъугъэ.

Валерий Карпиныр «Ростов» итренер шъхьаIэу икIэрыкIэу агъэ­нэфагъ. Апэрэ ешIэгъур Казань къыщихьыгъ. «Зенит» иешIа­кIэ къеIыхыгъэп, ау «Крылья Со­ветов» текIон ылъэкIыгъэп.

Хэт тыдэ щыIа?

1. «Зенит» — 45
2. «Динамо» — 42
3. ЦСКА — 38
4. «Шъачэ» — 38
5. «Краснодар» — 35
6. «Ахмат» — 31
7. «Локомотив» — 31
8. «Крылья Советов» — 29
9. «Спартак» — 26
10. «Рубин» — 25
11. «Н. Новгород» — 23
12. «Ростов» — 21
13. «Урал» — 20
14. «Арсенал» — 20
15. «Уфа» — 17
16. «Химки» — 15.
Я 22-рэ ешIэгъухэр
19. 03
«Урал» — «Химки»
«Н. Новгород» — «Спартак»
«Ахмат» — «Локомотив»
«Зенит» — «Арсенал».
20.03
«Уфа» — «Краснодар»
ЦСКА — «Рубин»
«Шъачэ» — «Кр. Советов»
«Динамо» — «Ростов».