Шъыпкъагъэ хэлъэу

Политикэм пымылъ урысые телеграм-каналхэм яредак­цие заулэ зэкъуахьи, войнасфейками.рф зыфиIорэ сайтыр зэхащагъ.

Ащ лъапсэ фэхъугъэр Урысыем Украинэм щигъэцэкIэрэ хэушъхьафыкIыгъэ операцием фэгъэхьыгъэ къэбар нэпцIхэр сайтым бэу къызэрэрагъахьэрэр ары.

— Тэ политикэ Iоф зетфэрэп, ау Украинэм щыхъурэр шъыпкъагъэ хэлъэу къэгъэлъэгъогъэн фаеу тэлъытэ. Пшъэрылъэу тиIэр хъытыум шъыпкъагъэ зыхэлъ къэбар нэмыкI къырамы­гъэхьаныр ары. Сыда пIомэ къэбар нэпцIхэм цIыфхэм яягъэ къякIы, гущы­Iэм пае, бэмышIэу сайтхэм къарагъэ­хьагъ «Сбербанкыр» зэфашIыщтэу ыкIи ахъщэ цIыфхэм къырахын амылъэкIыщтэу. Ащ фэдэ къэбар нэпцIхэр цIыфхэм ашIошъ мыхъуным пае мы сайтыр къызэIутхыгъ, — къаIуагъ войнасфейками.рф зыфиIорэм иавторхэм.

КъэIогъэн фае мы уахътэм Украинэм щыкIорэ зэпэуцужьым тырахыгъэу аIозэ, ыпэкIэ тырахыгъэгъэ видеохэр, къэбар нэпцIхэр бэу сайт зэфэ­шъхьаф­хэм къазэрарагъахьэрэр. Спе­циалистхэм къызэрэчIагъэщыгъэмкIэ, ахэм ащы­щыбэр нэмыкI къэралыгъохэм ащы­­кIогъэ зэпэуцужьхэм ыкIи дзэ ­егъэ­джэнэу кIуагъэхэм ащатырахыгъэх.

Зэпэуцужьым фэгъэхьыгъэу сайтым къыIэкIэхьэрэ къэбарым ишъыпкъапIэ псынкIэу зэрагъашIэ, джащ фэдэу урысые общественностым къэбар нэпцIхэр IэкIэзыгъахьэ зышIоигъохэр къыхагъэщых.

IэкIыбым икъэбарлъыгъэIэс амалхэми къагурыIуагъ Украинэм ылъэныкъокIэ Урысыем хэушъхьафыкIыгъэ операциеу зэрихьэрэм фэгъэхьыгъэ къэбар нэпцIыхэр къызэратхырэр. Ащ фэ­дэхэр щыгъэзыегъэнхэм сайтэу войнасфейками.рф зыфиIорэр фэIорышIэ.