ЛIыхъужъым фэгъэхьыгъэ зэнэкъокъу

Советскэ Союзым и ЛIыхъужъэу Н. И. Кузне­цовым фэгъэхьыгъэ шIэжь зэнэкъокъу дзюдомкIэ Екатеринбург щыкIуагъ.

Урысыем ишъолъыр 31-мэ ябэнэкIо 317-рэ зэIукIэгъухэм ахэлэжьагъ. Илъэс 23-м нэс зыныбжьхэр бэнэпIэ алырэгъум щызэнэкъокъугъэх.

Адыгэ Республикэм дзюдомкIэ испорт еджапIэу Кобл Якъубэ ыцIэ зыхьырэм зыщызыгъэсэрэ Джарымэкъо Долэт килограмм 81-рэ къэзыщэчыхэрэм якуп хэтэу икъулай къыгъэлъэгъуагъ.

Нарт шъаом ящэнэрэ чIыпIэр къыдихыгъ. Адыгэ Республикэм изаслуженнэ тренерэу Хьакурынэ Дамир бэнэкIо ныбжьыкIэм ипащ.

Сурэтым итхэр: хагъэунэфыкIырэ чIыпIэхэр купым къыщыдэзыхыгъэхэр.