ТызыфэгумэкIырэм къыхьыгъэп

«Уфа-Алиса» Уфа – «АГУ-Адыиф» – Мыекъуапэ 26:24 (14:9).
Щылэ мазэм и 23-м Уфа щызэдешIагъэх.

«АГУ-Адыиф»: къэлэпчъэIутхэр: Баскакова, Ламзина; ешIакIохэр: Куцевалова – 8, Кобл – 4, Клименко – 2, Никулина – 2, Кириллова – 2, А. Морозова – 2, Колодяжная – 1, Казиханова – 1, Поршина – 1, Краснова – 1, Мещерякова, Краснокутская, Дмитриева,Казанджян.

УзыфэгумэкIырэ командэр зэкIэми ауж къинэрэм дешIэ зыхъукIэ, текIоныгъэр къыдихыщтэу огугъэ. Арэу щытми, «Уфа— Алисэр» зэIукIэгъум нахь фэхьазырэу къэлъэгъуагъ. Я 49-рэ такъикъым пчъагъэр 24:20 хъугъэ. Такъикъи 7 къызэнэм 26:20-у «Алисэр» «Адыифым» ыпэ ишъыгъ.

Я 55 – 56-рэ такъикъхэм Кобл Зурет бысымхэм якъэлапчъэ гъогогъуи 2 Iэгуаор дедзэ – 26:22. Ангелина Куцеваловам пенальтикIэ пчъагъэм хегъахъо. З. Коб­лым псынкIэу ытыгъэ Iэгуаор Ирина Клименкэм хъагъэм редзэ – 26:24. ЕшIэгъу уахътэр кIэухым фэкIуагъ. «Алисэр» мэгушIо…

«Адыифым» къытемыкIогъэ гандбол командэ суперлигэм икупэу «Б»-м хэтэп. ЗэкIэлъыкIоу ешIэгъу заулэ зэрэшIуахьыгъэм тегъэгумэкIы. Щылэ мазэм и 30-м «Адыифыр» «Ставропольем» Мыекъуапэ щыIукIэщт.

Хэт тыдэ щыIа?
Купэу «Б-р»
1. «Динамо» – 22
2. «Университет» – 19
3. «Ставрополье» – 14
4. «АГУ-Адыиф» – 11
5. «Луч» – 8
6. «Уфа-Алиса» – 4.