«Спутник V» нахь дэгъоу алъытагъ

«Pfizer» зыфиIорэ препаратым нахьи, Урысыем къыщыдагъэкIырэ вакцинэу «Спутник V» зыфиIорэм антителахэр фэдитIукIэ нахьыбэу къеты. Ар Н. Ф. Гамалея ыцIэ зыхьырэ научнэ ушэтын гупчэм къыщаIуагъ.

Джащ фэдэу урысые вакцинэу «Спутник V» штаммэу «омикроным» пэуцужьы.

— Ушэтынхэм икIэуххэм къызэрагъэлъэгъуагъэмкIэ, Pfizer вакцинэу едзыгъуитIоу ахалъхьэрэм нахьи, фэдитIукIэ нахь лъэшэу «Спутник V» зыфиIорэм омикрон вирусыр егъэкIоды, — къеты ушэтын гупчэм.

Лъэпкъ итальянскэ институтэу «Lazzaro Spallanzani» зыфиIорэм дашIыгъэ ушэтыным ар къыгъэлъэгъуагъ. Вакцинэ лъэпкъитIур зыхалъхьагъэхэм ялъхэр зэрагъэпшагъэх.  Урысые препаратым процент 74,2-м, Pfizer вакцинэм – процент 56,9-м анэсэу «омикроным» ивирус агъэкIодыгъ.