Мыекъопэ футбол клубэу «Зэкъошныгъэм» 2021 — 2022-рэ илъэс ешIэгъум пиублэжьынэу зегъэхьазыры.
КIымэфэ зыгъэпсэфыгъо уахътэм ыуж клубым иешIакIохэр егъэджэн-зыгъэсэн зэIукIэгъухэм ахэлажьэх. Джырэ уахътэ анахьэу анаIэ зытырагъэтырэр кIуачIэр зэрапсыхьащтыр ары. Ар къыдалъытэзэ, атлетикэ псынкIэм, гимнастикэм, атлетикэ онтэгъум ахэхьэрэ едзыгъохэр агъэцакIэх.
«Зэкъошныгъэм» итренерхэм яштаб ипащэу Чэгъэдыу Бибэрт пэшIорыгъэшъэу гущыIэгъу тызыфэхъум, клубым изэхъокIыныгъэхэм, кIэу къыригъэблэгъэщт ешIакIохэм, республикэм ифутбол еплъыкIэу фыриIэм тащигъэгъозэнэу тызэзэгъыгъ.
Адыгэ Республикэм ифутбол командэу «Зэкъошныгъэр» Урысыем изэнэкъокъу хэлажьэ, ятIонэрэ купым хэт. Ауж къинэхэрэм зэращыщым тегъэгумэкIы.
2022-рэ илъэсым гъэтхэпэ мазэм и 6-м футбол зэнэкъокъум паублэжьыщт. «Зэкъошныгъэр» купым апэрэ чIыпIэр щызыIыгъ командэу СКА-м Ростов-на-Дону щыIукIэщт.