Анахь дэгъухэм Адыгеир ахалъытагъ

ЗекIоным хэхъоныгъэ ышIыным, шъолъырхэр цIыф­хэм ашIогъэшIэгъоныным, Урысыем ыкIи IэкIыб къэралхэм къарыкIыхэрэр зыIэпищэнхэм фы­те­гъэ­псыхьэгъэ яблэнэрэ ушэтынхэр мы мафэхэм зэхащагъ.

ЗекIоным фэгъэхьыгъэ журналэу «Отдых в России» зыфиIорэмрэ къэбарлъыгъэIэс коммуникациемкIэ Гупчэмрэ ар рагъэкIокIыгъ. Зэфэ­хьысыжьэу ашIыгъэмкIэ, Адыгеим балл 36,1-рэ рихыгъ, ящэнэрэ «джэрз» купым хэхьагъ.

БлэкIыгъэ илъэсым елъытыгъэмэ, мы лъэныкъом зэхъокIыныгъэхэр фэхъугъэх. ГущыIэм пае, «Развитие санаторно-курортной отрасли региона» зыфиIорэмкIэ зыгъэпсэ­фыпIэ чIыпIэхэм къащыуцухэрэм япчъагъэ джы атхызэ ашIыщт.

Къыхэгъэщыгъэн фае, нэмыкI рейтингымкIи Адыгеир анахь дэ­гъухэм ащыщ хъугъэ. 2021-рэ илъэсым цIыфхэм нахь зызщагъэпсэфынэу ыкIи япсауныгъэ зыщагъэпытэнэу къыхахырэ санаториехэр зэрыт шъо­лъырхэр мыщ епхыгъэ хэушъхьэфыкIыгъэ порталым къытыгъ. Адыгеир апэрищымэ ащыщ хъугъэ. 2021-рэ илъэсым Адыгеим ит санаториехэм чэщ-зымафэм сомэ 4200-кIэ цIыфхэм защагъэпсэфын ыкIи япсауныгъэ ащагъэпытэн алъэкIыгъ. Ащ хахьэ узэрэсыщтыр, пшхыщтыр ыкIи къызэрэоIэзэщтхэр.

(Тикорр.).