Нахьыбэрэ шъуIэхэр шъутхьакIых!

Коронавирусыр пытэу тищыIэныгъэ хэуцуагъ. ИлъэситIу мэхъу узым зебэныхэрэр ыкIи ащ зыщытыухъумэным фэшI зекIуакIэу зетхьан фаехэр зыщыдгъэгъупшэхэ хъущтэп.

ШъуIэхэмкIэ шъунэгу шъукIэмыIэбэжь! ШIэныгъэлэжьхэм къызэралъытагъэмкIэ, зы сыхьатым къыкIоцI гурытымкIэ гъого­гъу 25-рэ цIыфыр ынэгу нэсы. Ащ дакIоу, а IэхэмкIэ пкъыгъо зэфэшъхьафхэу вирусыр зытелъын ылъэкIыщтхэм атеIабэ. Нахьыбэрэ узыр къызэрапыхьагъэр — нэхэр, жэ кIоцIыр, пэр.

Бэрэ шъуIэхэр шъутхьакIых. COVID-19-р профилактикэ шIыгъэнымкIэ джа амалыр ары непэкIэ анахьэу шIуагъэ къэзытырэр. НэгъэупIэпIэгъу 40 — 60-м къыкIоцI сабынкIэ Iэр птхьакIын фае. Общественнэ чIыпIэм щыIэ краныр къыIу­шъухыгъэмэ зэгъэфедэгъу тхы­лъыпIэкIэ ар ежъугъэтыжь. Са­бын пытэр шъумыгъэфедэмэ нахь тэрэз, ащ организмэ цIыкIухэр къытенэнхэ алъэкIы.

Антисептикхэр жъугъэфедэх. Ахэр къэшъущэфынхэ зыхъукIэ язэхэлъыкIэ шъунаIэ тешъудз. Этанолыр — процент 80-м, глицериныр — процент 1,45-м ыкIи «перекись водорода» зыфиIорэр процент 0,125-м фэдизэу хэлъынхэ фае.

Нэгуихъохэр жъугъэфедэх! Сымаджэм ыкIи ащ къыпекIо­кIырэм ар аIулъынэу щыт. Ар пытэу нэгум кIэлъын ыкIи сы­хьати 2 — 3-м къыкIоцI зэблэп­хъузэ пшIыщт. Благъэу цIыфхэм шъуакIэрымыхь, IаплI яшъумыщэкI, сэлам IэкIэ зэшъумых. Жьы къабзэм мэхьанэ иI. Унэ кIоцIхэм бэрэ жьы къабзэ арыбгъэхьаныр дэгъу. Ащ вирусыр нахь макIэ ешIы.