Узым тыпэшIуекIоным фэшI

Коронавирусым пэшIуекIогъэныр непэ пшъэрылъ шъхьаIэхэм ащыщ. Мы узыр къызежьагъэм къыщыублагъэу нэбгырэ мин пчъагъэмэ ядунай ахъожьыгъ, къызпыхьагъэр миллион пчъагъ.

ГумэкIыгъо шъхьаIэу специалистхэм зигугъу къашIырэр ковидым зызэрэзэблихъурэр ары. Джы мары бэмышIэу агъэунэфыгъ штаммыкIэу «омикрон» зыфиIорэр. Мы мафэхэм тиспециалистхэм ащыщхэр мы штаммыр къызщежьэгъэ Къыблэ-Африканскэ Республикэм щыIэх ыкIи шIуагъэ къытэу Iоф щашIэ.

Коронавирусым пэшIуекIогъэным, ар къэгъэуцугъэным афэшI вакцинациер пкIун зэрэфаер медицинэм иIофы­шIэхэм, шIэныгъэлэжьхэм ыкIи специалистхэм ренэу къыхагъэщы. Непэрэ мафэм ехъулIэу Урысыем щыпсэухэрэм япроцент 59,4-мэ вакцинациер акIугъ, ау коллективнэ иммунитет тиIэным пае а пчъагъэм джыри хэдгъэхъон фае.

О уимызакъоу, къыппэблагъэхэми ящыIэныгъэ къэу­ухъумэным пае вакцинэр зыхябгъэлъхьан фаеу врачхэм къаIо. Узыр къапыхьаным ищынагъо зышъхьащыт цIыфхэу зыныбжь илъэс 60-м ехъугъэхэм, хэужъыныхьэгъэ уз зиIэхэм, цIыфыбэм ахэтэу Iоф зышIэхэрэм шIокI имыIэу прививкэ ашIын фае.

КIАРЭ Фатим.