ЗэIукIэгъухэр зэфэдагъэхэп

«АГУ-Адыиф-2» Мыекъуапэ — «Луч-2» Москва — 24:26 (11:12).
Тыгъэгъазэм и 22-м Мыекъуапэ щызэIукIагъэх.

«Адыиф-2»: къэлэпчъэIутхэр: Черницова, Скнарь; ешIакIохэр: Белозерова, Добарджич — 9, Никулина — 5, С. Морозова —
2, Къэбж — 1, Казиханова — 4, Коваленко — 1, Мельникова,
Ю. Кожубекова — 2.

ЕшIэгъум ипчъагъэ зэбгъа­пшэмэ, «Луч-2-р» нахьыбэрэмкIэ «Адыиф-2-м» ыпэ итыгъ. Зэ­IукIэгъур аухынымкIэ такъикъи 5 къы­зэнэм, 21:23-у Москва иешIа­кIохэр тикомандэ къытекIощты­гъэх. С. Морозовам хъагъэм Iэгуаор дидзи, пчъагъэр 22:23-рэ хъугъэ. Я 57-рэ такъикъым М. Власовам «Адыиф-2-м» икъэлапчъэ Iэгуаор къыдидзагъ — 22:24-рэ. Ю. Кожубековамрэ Д.Казихановамрэ зырызэ «Луч-2-м» икъэлапчъэ Iэгуаор дадзагъ — 24:24-рэ. Типшъашъэхэр текIоныгъэм фэбанэх, ау я 59-рэ ыкIи я 60-рэ такъикъхэм А. Голубовам «Адыиф-2-м» икъэлапчъэ Iэгуаор къыдедзэ — 24:26-рэ.

— ТиешIэкIо анахь дэгъухэм ащыщхэу Дарья Гильфановамрэ Алина Казанджянрэ зэрэсыма­джэхэм къыхэкIэу зэнэкъокъум хэлэжьагъэхэп. Къэбж Заремэ шъобж къытыращи, зэIукIэгъум бэрэ щешIэнэу хъугъэп, — къытиIуагъ клубэу «Адыифым» итренер шъхьаIэу Александр Реввэ. — Пенальтир тиешIакIохэм агъэ­цакIэзэ, гъогогъуи 4 хъагъэм Iэ­гуаор дадзэн алъэкIыгъэп.

ЯтIонэрэ ешIэгъур

«Адыиф-2» — «Луч-2» — 28:24 (14:15). Тыгъэгъазэм и 23-м ешIагъ.

«Адыиф-2»: Никулина — 8, Куцевалова — 7, Казиханова — 7, Кожубекова — 3, Добарджич — 1, Мельникова — 1, Коваленко — 1, Дэргушъау; къэ­лэпчъэ­Iутыр: Черницова.

Я 44-рэ та­къикъым ыуж «Луч-2-р» тикомандэ ыпэ ишъыгъэп: 18:18, 21:19, 26:21-рэ, зэ­IукIэгъур аухы­нымкIэ такъи­къи 7 къэнагъ. Д. Казихановам зэкIэлъыкIоу гъогогъуи 2 хъагъэм Iэгуаор дидзагъ. А. Куцеваловам, В. Мельниковам, Ю. Кожубековам зырызэ къэлап­чъэм Iэгуаор дадзагъ. Я 60-рэ такъи­къым «Луч-2-м» «Адыиф-2-м» икъэлапчъэ гъогогъуитIо Iэгуаор къыдидзагъ, пчъагъэр 28:24-у зэнэкъокъур аухыгъ.

Хэт тыдэ щыIа?

1. ЦСКА-2 — 38
2. «Лада-2» — 31
3. «Ростов-Дон-2» — 29
4. «Астраханочка-2» — 28
5. «Звезда-2» — 23
6. «Динамо-2» — 21
7. «Адыиф-2» — 19
8. «Кубань-2» — 19
9. «Луч-2» — 13
10. «Ставрополь» — 11
11. «Университет-2» — 2
12. «СШ N 13 — Алиса» — 2.
2022-рэ илъэсым, щылэ ма-
зэм и 12 — 13-м «АГУ-­Адыиф-2-р» «Луч-2-м» Москва щыIукIэщт.