Урысыем и ЛIыхъужъэу, генерал-полковникэу Г.Н. Трошевым фэгъэхьыгъэу самбэмкIэ шIэжь зэнэкъокъу Ермэлхьаблэ щыкIуагъ.
Хэгъэгум ишъолъырхэм ябэнакIохэу 2004 — 2006-рэ илъэсхэм къэхъугъэ кIалэхэр алырэгъум щызэIукIагъэх.
Адыгэ Республикэм щыщ ныбжьыкIэхэм зэнэкъокъум медали 7 къыщыдахыгъ.
Тыгъужъ Тимур, кг 49-рэ, Мэлгощ Адам, кг 58-рэ, Ваган Григорян, кг 98-рэ, Мэлыщэ Аскэр, кг 98-м къехъу, апэрэ чIыпIэхэр къыдахыгъэх. Тренерхэу Делэкъо Адам, Хьабэхъу Адам, Гъомлэшк Алый, Роман Оробцовым, Беданыкъо Рэмэзан, Ацумыжъ Заур бэнакIохэр агъасэх.
Мамхыгъэ Астемир, кг 88-рэ, Сергей Кузьминовым, кг 98-рэ, Самир Архиповым, кг 98-м къехъу, ящэнэрэ чIыпIэхэр къафагъэшъошагъэх. Тренерхэу З. Ацумыжъыр, М. Дэхъужьыр, И. Нэгъоир ныбжьыкIэхэм япащэх.
— ХагъэунэфыкIырэ чIыпIэхэр къыдэзыхыгъэхэр Урысыем самбэмкIэ икIэух зэнэкъокъоу 2022-рэ илъэсым щыIэщтым хэлэжьэщтых, — къытиIуагъ
Адыгэ Республикэм самбэмкIэ испорт еджапIэ ипащэу, спортымкIэ дунэе класс зиIэ мастерэу Делэкъо
Адам. — ТибэнакIохэм яIэпэIэсэныгъэ хагъахъо. Хэгъэгум изэIукIэгъухэм яшъыпкъэу зафагъэхьазыры.
Сурэтым итхэр: зэнэкъокъоу Ермэлхьаблэ щыкIуагъэм хагъэунэфыкIырэ чIыпIэхэр къыщыдэзыхыгъэхэр.