ЕшIэкIэшIур текIоныгъэм игъогогъу

«Динамо-МГТУ» Мыекъуапэ — «Нефтехимик» Тобольск —88:76 (23:24, 24:13, 22:20, 19:19).
Тыгъэгъазэм и 18-м спорт Унэшхоу «Ошъуте­нэм» щызэнэкъокъугъэх.

«Динамо-МГТУ»: Чичайкин — 14, Суслов — 9, Александров — 2, Гапошин — 11, Турэ, Милютин — 12, НатIэкъу — 3, Сизов — 23, Кочнев — 11, Горохов — 3.

Урысыем баскетболымкIэ изэ­нэкъокъоу суперлигэм ия 2-рэ куп щыкIорэм Адыгеим икомандэ щешIэ.

ЯтIонэрэ ешIэгъур

«Динамо-МГТУ» — «Нефтехимик» — 101:86 (17:25, 24:24, 25:21, 35:16).
Тыгъэгъазэм и 19-м «Ошъутенэм» щызэIукIагъэх.

«Динамо-МГТУ»: Чичайкин — 22, Суслов — 3, Александ-
ров — 20, Гапошин — 17, Турэ, Милютин — 8, Сизов — 18, Кочнев — 13.

ЯтIонэрэ ешIэгъур хьылъэу кIуагъэ. «Нефтехимикыр» текIоныгъэм нахь пэблагъэу едзы­гъуищмэ тагъэгумэкIыгъ.

— Я 4-рэ едзыгъом «Нефтехимикым» иешIакIэ къызэреIыхыгъэр дгъэфедагъэ, — къытиIуагъ «Динамо-МГТУ-м» итренер шъхьа­Iэу, Адыгэ Республикэм изаслуженнэ тренерэу Андрей Синельниковым. — Нахь шъуамбгъоу, псынкIэу тикомандэ ешIэзэ, хъа­гъэм Iэгуаор бэрэ ридзагъ.

«Динамо-МГТУ-м» икапитанэу Илья Александровыр, Артем Га­пошиныр, Владимир Чичайкиныр, нэмыкIхэри яIэпэIэсэны­гъэкIэ къахэщыгъэх.

«Динамо-МГТУ-м» ныбжьыкIэхэри аштагъэх, ахэри «Нефтехимикым» дешIагъэх. Д. Гороховым, М. НатIэкъом тагъэгугъэ. НатIэкъо Мэдин апэрэу хъагъэм Iэгуаор ридзи, тикомандэ очкоуи 3 къыфихьыгъ.

«Динамо-МГТУ-м» очко 32-рэ иI. Я 5-рэ чIыпIэм щыI. Зичэзыу ешIэгъухэр 2022-рэ илъэсым иIэщтых. Щылэ мазэм и 11 — 12-м «Динамо-МГТУ-р» Магнитогорскэ щыIукIэщт «Металлургым», ащ ыуж Челябинскэ щешIэщт.