Апэрэу рагъэблэгъагъэх

Урысыем гандболымкIэ и Кубок къыдэхыгъэным Мыекъопэ «АГУ-Адыифыр» хэлажьэ.

Финалым и 1/8-м «Адыифыр» «Дворецым» Москва щыIукIэщт. «Адыиф-2-м» хэт ныбжьыкIэхэу Къэбж Заремэ, Софья Морозовар, Дарья Гильфановар ти­командэ шъхьаIэу суперлигэм ще­шIэрэ «Адыифым» рагъэблэ­гъагъэх, апэрэу Кубокым фэгъэ­хьыгъэ ешIэгъум хэлэжьэщтых.

— ЗэIукIэгъур тыгъэгъазэм и 12-м Москва щытиIэщт. ТекIо­ныгъэр къызыдэтхыкIэ, финалым и 1/4-м «Адыифыр» ЦСКА-м Мыекъуапэ щыIукIэщт, — къытиIуагъ тренер шъхьаIэу, Урысыем изаслуженнэ тренерэу Александр Реввэ.

Сурэтым итхэр: Къэбж Зарем, Дарья Гильфановар.