ПшъэдэкIыжь рагъэхьыгъ

Республикэм икъэлэ шъхьаIэ щыпсэурэ хъулъфыгъэм кIэлэпIупкIэр игъом зэримытырэм къыкIэлъыкIоу хьыкумым унашъоу ышIыгъэмкIэ административнэ пшъэдэкIыжь рагъэхьыгъ.

Хьыкум приставхэм я Мыекъопэ къэлэ отдел тхьапэу къыIэкIэхьагъэм итхэгъагъ урыпсэунымкIэ ахъщэ анахь макIэу шъолъырым щагъэнэфагъэм ызыныкъо зыныбжь имыкъугъэ исабый фызэкIигъэкIожьын фаеу.

Хьыкумым унашъоу ышIыгъэр зэримыгъэцакIэрэм къыхэкIыкIэ чIыфэр сомэ мин 300-м ехъугъ.

Зипшъэрылъхэр зымыгъэцакIэрэм ылъэныкъокIэ хьыкум приставым административнэ протокол зэхигъэуцуагъ. Мыекъуапэ ихьыкум участкэу N 2-м изэгъэшIужь хьыкумышI Iофыр зэхифыгъ ыкIи хъулъфыгъэм административнэ хэбзэукъоныгъэ зэришIыгъэмкIэ лажьэ иIэу ыгъэунэфыгъ. Джы ащ сыхьат 50-м телъытэгъэ шIокI зимыIэ IофшIэнхэр ыгъэцэкIэщтых.

Исабый тефэрэ ахъщэр тапэкIи зыримыткIэ, пшъэ­дэкIыжьыр нахь агъэлъэшын алъэкIыщт.

КIэлэпIупкIэр зымытыхэрэм алъэныкъокIэ щыIэ хэбзэгъэуцугъэр нахь зэрагъэлъэшыгъэр шъугу къэтэгъэкIыжьы, арышъ, Iоф къин шъухэмыфэным пае шъуипшъэрылъхэр зэрифэшъуашэу жъугъэцакIэх, шъуисабыйхэм атефэрэ ахъщэр игъом аIэкIэжъугъахь. Джащыгъум бырсыр шъухэфэщтэп.

Хьыкум приставхэм яфедеральнэ къулыкъу и ГъэIорышIапIэу Адыгэ Республикэм щыIэм ипресс-къулыкъу.