Пчъагъэр 74 — 73-рэ

«Динамо-МГТУ» Мыекъуапэ – «Чебоксарские Ястребы» Чебоксары – 74:73 (12:9, 29:24, 14:31, 19:9).
ШэкIогъум и 21-м республикэ спорт Унэшхоу «Ошъутенэм» щызэдешIагъэх.

«Динамо-МГТУ»: Чичайкин – 13, Суслов – 2, Рябов – 3, Александров – 2, Гапошин – 25, Турэ – 2, Милютин – 16, Сизов – 9, Кочнев – 2.

Суперлигэм иятIонэрэ куп хэт баскетбол командэхэм язэнэ­къокъу кIэухым зыщыфэкIощтым упчIабэ къэтэджыгъ. Пчъагъэр 70:66-у хьакIэхэм ахьызэ, В. Чи­чайкиным хъагъэм Iэгуаор ри­дзагъ – 68:70. А. Гапошиным хъурджанэм Iэгуаор редзэ – 70:70. Аужырэ такъикъым А. Милютиным гуетыныгъэ къызхигъафи, хъагъэм Iэгуаор ридзагъ – 74:70-рэ. ХьакIэхэм яешIакIоу Е. Богдан хъурджанэм Iэгуаор ридзэнэу игъо ифагъ – 74:73-рэ.

— Артем Гапошиныр, Владимир Чичайкиныр, Александр Милютиныр анахь дэгъоу ешIагъэх, — къытиIуагъ «Динамо-МГТУ-м» итренер шъхьаIэу, Адыгэ Респуб­ликэм изаслуженнэ тренерэу Андрей Синельниковым. — Финалым тыхэфэным тыфэбанэ. Зичэзыу ешIэгъухэм тишъыпкъэу зафэтэгъэхьазыры.

ШэкIогъум и 24 – 25-м «Динамо-МГТУ-р» «БАРС-РГЭУ» Рос­тов-на-Дону Мыекъуапэ щыIукIэщт.