Мафэр къыхахыщт

Мыекъопэ гандбол командэу «АГУ-Адыифыр» Урысыем и Кубок къыдэхыгъэным хэлажьэ.

Апэрэ зэIукIэгъур Москва щыриIагъ, «Лучым» 27:28-у текIуагъ. Финалым и 1/8-м хэхьэрэ ешIэгъум «Адыифыр» «Дворец» Мос­ква щенэкъокъущт.

— ЗэIукIэгъур шэкIогъум и 4-м тиIэнэу щытыгъ, ау «Дворецым» илъэIукIэ мафэр зэб­лахъугъ, — къытиIуагъ клубэу «Адыифым» итренер шъхьаIэу, Урысыем изаслуженнэ тренерэу Александр Реввэ. — ТызешIэщт мафэр загъэнафэкIэ пэшIорыгъэшъэу къэтIопщыщт.

— Урысыем гандболымкIэ изэнэкъокъоу суперлигэм икупэу «Б-м» щыкIорэм «Адыифым» зичэзыу ешIэгъу щыриIэщт. ШэкIогъум и 20-м апэрэ чIыпIэр зыIыгъэу «Динамэм» Волгоград щы­IукIэщт.