ЕдзыгъуитIур лъэпсэшIу фэхъугъ

«МицуБаскет» Липецк — «Динамо-МГТУ» Мыекъуапэ — 98:115 (15:26, 27:31, 26:26, 30:32).
ШэкIогъум и 11-м Липецкэ щызэдешIагъэх.

«Динамо-МГТУ»: Чичайкин — 5, Суслов — 13, Рябов — 6, Александров — 25, Воротников — 3, Турэ — 10, Чаленко — 4, Гапошин — 21, Сизов — 21, Кочнев — 7.

Урысыем баскетболымкIэ изэ­нэкъокъоу суперлигэм ия 2-рэ куп щыкIорэм «МицуБаскетыр» ыкIи «Динамо-МГТУ-р» ятIонэрэу щызэIукIагъэх. Апэрэ зэIукIэгъур 89:80-у Адыгеим иешIакIохэм къахьыгъ.

— ЯтIонэрэ мафэм зэнэкъо­къур къэтхьыным фэшI амалыкIэхэм талъыхъугъ, — къыIуагъ «Динамо-МГТУ-м» итренер шъхьа­Iэу, Адыгэ Республикэм изаслуженнэ тренерэу Андрей Синельниковым. — Апэрэ едзыгъуитIум тиешIакIохэм хъагъэм Iэ-гуаор бэрэ радзагъ, зэнэкъокъум къэгъэзапIэ фашIыгъ.

Баскетболым хэгъозагъэхэу Илья Александровым, Артем Гапошиным, фэшъхьафхэм хъурджанэм Iэгуаор радзэнымкIэ щысэшIу къагъэлъэгъуагъ. Нахь ныбжьыкIаIохэу «Динамо-МГТУ-м» хэтхэри ешIэгъум чанэу хэлэ­жьагъэх.

ЧIыпIэхэр

1. «Тамбов» — 15
2. «Динамо-МГТУ» — 14
3. «Металлург» — 14
4. «Русичи» — 13
5. «БАРС-РГЭУ» — 13
6. «Челбаскет» — 13
7. «МицуБаскет» — 12
8. «Динамо» Ст — 12
9. «Новомосковск» — 12
10. «Чебоксарские
Ястребы» — 11
11. «Нефтехимик» — 9.
ШэкIогъум и 13 — 14-м «Динамо-МГТУ-р» зэнэкъокъум апэ-
рэ чIыпIэр щызыIыгъэу «Тамбовым» Тамбов щыIукIагъ.