Апэ ишъыным фэбанэ

Урысыем футболымкIэ ихэшыпыкIыгъэ командэ дунэе зэнэкъокъум зыфегъэхьазыры.

2022-рэ илъэсым кIэух зэIукIэгъухэр Катарэ щыкIощтых. Джырэ уахътэ пэшIорыгъэшъ зэIукIэгъухэм командэхэр ащызэнэ­къокъух. Урысыер зыхэт купым щешIэрэ командэ пэпчъ зэIукIэгъуи 8 иIагъ.

Зэтэгъапшэх

Хэгъэгу командэхэм очко пчъа­гъэу яIэр.
1. Урысыер — 19
2. Хорватиер — 17
3. Словакиер — 10
4. Словениер — 10
5. Мальта — 5
6. Кипр — 5.
Зэнэкъокъухэр
11.11
Урысыер — Кипр
14.11
Хорватиер — Урысыер.

Урысыем ыкIи Кипрэ якомандэхэр Санкт-Петербург щызэIукIэщтых. Хорватиемрэ Урысыемрэ яешIакIохэр Хорватием икъалэу Сплит щызэнэкъокъущтых. Купым апэрэ чIыпIэр къыщыдэзыхырэр Катарэ кIощт. ЯтIонэрэ чIыпIэр зыхьырэр джыри пэшIорыгъэшъ ешIэгъухэм ахэлэжьэщт. Пчъагъэр зэфэдэу Урысыер Хорватием зыдешIэкIэ, тикомандэ апэрэ чIыпIэр купым къыщихьыщт.

Тренер шъхьаIэу Валерий Карпиным къызэриIуагъэу, тиешIа­кIохэр апэрэ чIыпIэм фэбанэх.