Урысыем и Къыблэ шъолъыр искусствэхэмкIэ икIэлэегъаджэхэм язэнэкъокъу Краснодар щыкIуагъ.
Адыгэ Республикэм искусствэхэмкIэ икIэлэцIыкIу еджапIэу Лъэцэрыкъо Кимэ ыцIэ зыхьырэм икIэлэегъаджэу, лъэпкъ IэпэIасэу Абрэдж Гощэфыжь зэIукIэгъухэм ахэлэжьагъ.
Бгъэфедэн плъэкIыщт искусствэм икъэгъэлъэгъон, Iэнэ хъураем, лъэпкъ искусствэм ихэхъоныгъэхэм, фэшъхьафхэм афэгъэхьыгъэ зэIукIэгъухэр гъэшIэгъонэу зэхащагъэхэу Абрэдж Гощэфыжь елъытэ.
Къырым, Ростов хэкум, Краснодар краим, Адыгеим, нэмыкIхэм якIэлэегъаджэхэм искусствэм ехьылIэгъэ Iофыгъохэм яIэпэIэсэныгъэ къыщагъэлъэгъуагъ.
Урысыем щыкIорэ зэнэкъокъум ишъолъыр зэхахьэу Краснодар щызэхащагъэм Абрэдж Гощэфыжь Диплом къыщыфагъэшъошагъ.
— КIэлэегъаджэхэр яшIэныгъэхэмкIэ, опытэу яIэмкIэ зэхъожьыгъэх, — къытиIуагъ Адыгэ Республикэм искусствэхэмкIэ икIэлэцIыкIу еджапIэу Лъэцэрыкъо Кимэ ыцIэ зыхьырэм ипащэу Анзорыкъо Марзет. – Лъэпкъ искусствэм нахь фэщагъэхэу кIэлэцIыкIухэр пIугъэнхэмкIэ ащ фэдэ зэнэкъокъу-зэхахьэхэр тищыкIагъэх.
Сахьидэкъо Нурбый.
Сурэтым итхэр: зэнэкъокъум чанэу хэлэжьагъэхэр.