Къихьащт илъэсым электрон шIыкIэкIэ аIэкIагъэхьащтых

2021-рэ илъэсым мэлылъфэгъум и 30-м аштэгъэ Федеральнэ законэу N 126-р зытетэу «ШIокI зимыIэ социальнэ страхованием иIофыгъохэмкIэ Урысые Федерацием изаконодательнэ акт заулэмэ зэхъокIыныгъэхэр афэшIыгъэнхэм ехьылIагъ» зыфиIорэм диштэу 2022-рэ илъэсым щылэ мазэм и 1-м къыщегъэжьагъэу цIыфхэр зэрэсымэджагъэхэр къэзыушыхьатырэ тхьапэхэр электрон шIыкIэкIэ аIэкIагъэхьащтых.

Ащ фэдэ тхьапэр къаIукIэнымкIэ ищыкIэгъэ закъор телефонкIэ е электрон почтэкIэ ащ иномер къаIэкIэхьаныр ары, Урысые Федерацием и Правительствэ 2021-рэ илъэсым шышъхьэIум и 23-м ышIыгъэ унашъоу N 1381-р зытетым къызэрэщыдэлъытагъэмкIэ, зэрэсымэджа­гъэхэр къэзыушыхьатырэ электрон тхьа­пэр зэхагъэу­цожьыныр ищыкIэгъэжьэп. 2022-рэ илъэсым щылэ мазэм и 1-м къыщегъэжьагъэу уна­шъом фашIыгъэ зэхъокIыныгъэ­хэм кIуачIэ яIэ хъущт.

Илъэсэу итыр екIыфэ нэс электрон больничнэ тхьапэхэри, тхылъыпIэхэм атетхэри къызыфагъэфедэнхэ алъэкIыщт. Къэралыгъо фэIо-фашIэхэмкIэ порталым щатхыгъэ IофышIэхэм ящыкIэгъэ къэбархэр httрs://lk./fss./ru/recipient зыфиIорэ сайтымкIэ къызIэкIагъэхьанхэ алъэ­кIыщт.

Урысые Федерацием социальнэ страхованиемкIэ и Фонд Адыгэ РеспубликэмкIэ ишъолъыр къутам