Якультурэ хигъэхъощт

НыбжьыкIэхэм культурэ шэпхъэ дахэхэр ахэлъхьэгъэнхэр къыделъытэ ыкIи а пшъэрылъыр зэшIуехы Iоныгъом и 1-м къыщегъэжьагъэу Урысыем щатIупщыгъэ программакIэу «Пушкинская карта» зыфиIорэм.

Илъэс 14-м къыщегъэжьагъэу 22-м нэс зыныбжьхэр ары ащ хэлажьэхэрэр. Проектышхом ипшъэрылъ Адыгеим щегъэцакIэ, ныбжьыкIэхэм банк картэу зэрагъэгъотыгъэм (хэти зэригъэгъотын ылъэкIыщтым) мы илъэсэу итыр еухыфэ агъэфедэнэу сомэ 3000 хабзэм къафырилъхьагъ. 2022-рэ илъэсым картэм къафырагъэхьащт сомэ 5000. Ащ фэдэ гупшысэр къызыпкъырыкIыгъэр УФ-м и Президентэу В. В. Путиныр ары. Адыгэ Республикэри программэм хэлажьэ, ащ елъытыгъэу республикэ филармонием, лъэпкъ къашъомкIэ Адыгэ Республикэм и Къэралыгъо академическэ ансамблэу «Налмэсым», лъэпкъ орэдым ыкIи къашъом я Къэралыгъо академическэ ансамблэу «Ислъамыем», Урыс къэралыгъо драмтеатрэм ыкIи Адыгэ Лъэпкъ театрэу И. С. Цэим ыцIэкIэ щытым Iофыбэ зэшIуахы.

Мы зэкIэми япхыгъэу культурэ чIыпIэ пэпчъ Iоф­тхьабзэхэр щыкIощтых.

АР-м и Къэралыгъо филармоние

Чъэпыогъум 11 – 12-м:

Академическэ музыкэм ия IV-рэ Дунэе фестивалэу «Адыгея музыкальная» (залышхом), пчыхьэм сыхьатыр 6.30-м.

Чъэпыогъум и 17-м:

Нысхъэпэ театрэу «Дышъэ къошыным» испектаклэу «Сказка о золотой овечке» Сергей Латышенкэм ыпьесэкIэ. Сыхьатыр 12-м рагъэжьэщт (зал цIыкIум).

Чъэпыогъум и 20-м:

АР-м и Къэралыгъо филармоние икамернэ-музыкальнэ салон. Концертэу «Адыгэ джэгу». Пчыхьэм сыхьатыр 6.30-м (зал цIыкIум).
Чъэпыогъум и 24-м:

Нысхъэпэ театрэу «Дышъэ къошыным» къыгъэлъэ­гъощт Сихъу Станислав ипьесэ техыгъэ спектаклэу «Приключения в лесу» зыфиIорэр. Сыхьатыр 12-м рагъэжьэщт (зал цIыкIум).

Чъэпыогъум и 30-м:

АР-мкIэ урыс лъэпкъ Iэмэ-псымэхэм я Къэралыгъо оркестрэу «Русская удаль» иконцертэу «Вечерний звон»; Анатолий Шипитько ишIэжь фэгъэхьыгъ. Зырагъэжьэщтыр – сыхьатыр 4-р (залышхом).

«Налмэсым» иконцерт зал

Чъэпыогъум и 28-м:

«Налмэсым» иконцертэу «Налмэс» сквозь время. Часть I». Пчыхьэм сыхьатыр 7-м рагъэжьэщт.
АР-м и Лъэпкъ театрэу И. Цэим ыцIэ зыхьырэр

Чъэпыогъум и 15-р, и 26-р

АКъУ-м иактовэ зал. Пшысэу «Чумачечная весна». Зырагъэжьэщтыр – сыхьатыр 10-м ыкIи 12-м.
Чъэпыогъум и 29-р:

«Налмэсым» иконцерт зал Нэгъой Инвер ипьесэкIэ агъэуцугъэ спектаклэу «Къэзыгъэзэжьырэр Тхьэм ештэжьы» зыцIэм ипремьерэ щыIэщт. Пчыхьэм сыхьатыр 6.30-м.

КъокIыпIэм щыпсэурэ лъэпкъхэм искусствэхэмкIэ я Къэралыгъо музей

Чъэпыогъум и 31-м нэс:

ХьацIыкIу Мадинэ икъэгъэлъэгъонэу «Тыгъэм игуащ» («Княгиня солнца»).

Чъэпыогъум и 24-м:

КъокIыпIэм щыпсэурэ лъэпкъхэм искусствэхэмкIэ я Къэралыгъо музей ифонд къыхэхыгъэ материалхэмкIэ агъэхьазырыгъэ къэгъэлъэгъонэу «Неувядающий сад» зыцIэр къызэIуахыщт мафэм сыхьатыр 3-м.

АР-мкIэ Урыс къэралыгъо драмтеатрэу А. С. Пушкиным ыцIэкIэ щытым

Театрэм испектаклэхэр «Налмэсым» иконцерт зал щэкIох.

Чъэпыогъум и 16-м, и 23-м:

«Выстрел в метель» зыфиIорэ спектаклым ипремьерэ (А. С. Пушкиным итхыгъэу «Повести Белкина» зыцIэм техыгъэр) пчыхьэм сыхьатыр 6-м къагъэ­лъэгъощт.
(Тикорр.).