Джыри къызэкIэкIуагъ

«Зэкъошныгъ» Мыекъуапэ — «Чайка» Ростов хэку — 0:2.
Чъэпыогъум и 3-м Мыекъуапэ щызэдешIагъэх.

«Зэкъошныгъ»: Хьачыр, КIы­шъэ, Хайманов, Кириленко (Седов, 28), ХъуакIо, Гаракоев, Макоев (Крылов, 58), Оразаев (А. Делэкъу, 80), Пекъо, Къонэ, Iащэ (Антоненко, 69).


Къэлапчъэм Iэгуаор дэзы­дзагъэхэр: Алиев — 12, Олейников — 44, «Чайка».

БлэкIыгъэ илъэс зэнэкъокъухэм «Чайкэр» апэрэ купым хэтэу Урысыем изэIукIэгъухэм ахэ­лэжьагъ. ЯтIонэрэ купым командэр мыгъэ щешIэ, анахь лъэшхэм ащыщ.

Мыекъуапэ щыкIогъэ ешIэгъум «Чайкэм» ухьазырыныгъэ дэгъу къыщигъэлъэгъуагъ. Я 12-рэ та­къикъым хьакIэхэр апэкIэ илъыгъэх, тиухъумакIохэр къызэра­нэ­кIыгъэх. Алиевыр изакъоу тикъэ­лэпчъэIутэу Хьачырым къекIугъ, хъагъэм Iэгуаор ридзагъ.

Я 44-рэ такъикъым Олейниковыр метрэ 17 фэдизкIэ тикомандэ икъэлапчъэ пэчыжьэу лъэшэу Iэгуаом еуагъ. ТикъэлэпчъэIутэу Хьачырым Iэгуаом зылъидзыгъ, IапэхэмкIэ нэсыгъ, ау къызэкIидзэжьын ылъэкIыгъэп — 0:2.

«Зэкъошныгъэм» «Чайкэм» иухъумакIохэр ыгъэгумэкIыхэу, чIыпIэ къин ридзэхэу къыхэкIыгъ. Къонэ Амир я 27-рэ такъикъым къэлапчъэм зыдаом, къэлэпчъэпкъым Iэгуаор тефагъ. Гаракоевыр «Чайкэм» икъэлапчъэ лъэшэу дэуагъ, Iэгуаор чэрэгъузэ хъа­гъэм зыщифэщтым къэлэпчъэIутым къызэкIидзэжьыгъ.

ТиешIакIохэм ягуетыныгъэкIэ зыкъыуагъаштэ, ау командэ лъэш­хэм атекIонхэм фэмыхьазырхэу къэлъагъох. ЯешIакIэ хагъэ­хъоным фэшI уахътэ ящыкIагъ. Зэ­IукIэгъум ия 53-рэ такъикъ А. Къонэр судьям ешIапIэм къыригъэкIыгъ — ятIонэрэу къызэрэфигъэпытагъэм фэшI — «Зэ­къошныгъэм» ар къегоуагъэу тэлъытэ.

Я 12-рэ зэIукIэгъухэр

«Динамо» Мх — «Биолог» — 2:0, «Кубань-Холдинг» — «Мэщыкъу» — 1:0, «Алания — 2» — «Спартак» — 1:5, СКА — «Динамо» Ст — 2:1, «Форте» — «Легион» — 2:1. «ТIуапсэ» — «Черноморец» — 0:1, «Ротор-2» — «Ессентуки» — 6:0.

Пресс-зэIукIэр

ЗэIукIэгъум иятIонэрэ кIэлъэныкъо «Зэкъошныгъэр» нахь дэгъоу ешIагъэу ылъытагъ тренер шъхьаIэу ШакIо Ащэмэз. Апэрэ такъикъ 45-м «Чайкэм» иухъумакIохэм ащыщ Iэгуаор ыIэ тефагъ, ау судьям пенальтир ыгъэу­нэфыгъэп. «Зэкъошныгъэм» иешIакIэ хэпшIыкIэу хегъахъо, зичэзыу зэIукIэгъухэм зафегъэ­хьазыры.

ЧIыпIэхэр

1. СКА — 28
2. «Динамо» Мх — 26
3. «Чайка» — 25
4. «Анжи» — 24
5. «Форте» — 24
6. «Черноморец» — 20
7. «Легион» — 16
8. «Спартак» — 16
9. «Кубань-Х» — 15
10. «Мэщыкъу» — 15
11. «Биолог» — 12
12. «Динамо» Ст — 11
13. «ТIуапсэ» — 10
14. «Ротор-2» — 10
15. «Зэкъошныгъ» — 9
16. «Алания-2» — 5
17. «Ессентуки» — 4.
Я 13-рэ ешIэгъухэр
10.10
«Легион» — «Динамо» Мх
«Спартак» — «Кубань-Х»
«Мэщыкъу» — «Форте»
«Анжи» — «Зэкъошныгъ»
«Биолог» — «Ротор-2»
«Чайка» — «Алания-2»
«Черноморец» — СКА
11.10
«Ессентуки» — «ТIуапсэ».