Тамерлан иIэпэIэсэныгъэ тегъэгушхо

Спартак» Налщык – «Зэкъошныгъ» Мыекъуапэ – 0:0.
Iоныгъом и 26-м Налщык щызэдешIагъэх.

«Зэкъошныгъ»: Т. Хьачыр, КIышъэ, Хайманов, Кириленко, Гаракоев (Крылов, 68), Дат­хъужъ (М. Делэкъу, 60), Макоев (Антоненко, 78), Оразаев, Пекъо, Къонэ, Iащэ.

Урысыем футболымкIэ изэнэ­къокъу хэлажьэхэрэ командэхэу ятIонэрэ купым хэтхэм язэIукIэгъу текIоныгъэр къыщыдэзыхын зылъэкIыщтыр къэшIэгъуаеу щытыгъ.

ЗэIукIэгъум иапэрэ едзыгъо А. Датхъужъым тигъэгушIон ылъэ­кIыщтыгъэ. Тазырыр ыгъэцакIэзэ метрэ 20-м нахьыбэу зыпэчыжьэ къэлапчъэм лъэшэу дэуагъ. Iэгуа­ор къэлэпчъэбгыкъум тефи, къэлъэтэжьыгъ.

А. Макоевыр ешIапIэм игупчэ итэу Iэгуаор къызыIэкIахьэм, къэлапчъэм екIугъ. Тазыр ешIапIэм зыщихьащтым къэлапчъэм дэуагъ. «Спартак» икъэлэпчъэ­Iутэу А. Антиповым ухьазырын дэгъу къыгъэлъагъуи, Iэгуаор къызэкIидзэжьыгъ.

«Спартак» иешIакIоу Ольмедовым Iэгуаор чыжьэу ыпэкIэ ытыгъ. Хьачырыр тазыр ешIапIэм итэу тиухъумакIохэм ащыщ зыпэуцум, шапхъэр ыукъуагъ. Судьям пенальтир ыгъэнэфагъ. «Спартак» хэтэу Бажьэм пенальтир ыгъэцэкIагъ. Тикомандэ икъэлапчъэ ар къызыдэом, къэлэпчъэIутэу Хьачыр Тамерлан Iэгуаом зылъи­дзи, кIуапIэ римытэу IэкIэ къызэкIидзэжьыгъ. А уахътэм зэIукIэгъур аухынкIэ къэнэгъагъэр та­къикъи 10.

«Зэкъошныгъэм» иешIакIэ зэрэхигъахъорэр хэгъэгум изэнэ­къокъу къыщегъэлъагъо.

Я 11-рэ зэIукIэгъухэр

«Динамо» Ст — «ТIуапсэ» — 5:1, «Биолог» — «Форте» — 0:0, «Легион» — «Кубань-Холдинг» — 0:0, «Мэщыкъу» — «Алания-2» — 4:1, «Черноморец» — «Ротор-2» — 4:0.
Фэшъхьаф ешIэгъухэр командэхэм тыгъуасэ яIагъэх.

ЧIыпIэу зыдэщытхэр

1. СКА — 25
2. «Анжи» — 24
3. «Форте» — 21
4. «Динамо» Мх — 20
5. «Чайка» — 19
6. «Черноморец» — 17
7. «Легион» — 11
8. «Мэщыкъу» — 15
9. «Спартак» — 13
10. «Кубань-Х.» — 12
11. «Биолог» — 12
12. «Динамо» Ст — 11
13. «ТIуапсэ» — 10
14. «Зэкъошныгъ» — 9
15. «Ротор-2» — 7
16. «Алания-2» — 5
17. «Ессентуки» — 4.

Я 12-рэ ешIэгъухэр

3.10
«Форте» — «Легион»
«Алания-2» — «Спартак»
«Динамо» Мх – «Биолог»
«Зэкъошныгъ» — «Чайка»
«Кубань-Х.» – «Мэщыкъу»
СКА – «Динамо» Ст
«ТIуапсэ» — «Черноморец»
5.10
«Ротор-2» — «Ессентуки».

Сурэтым итыр: «Зэкъошны­гъэм» икъэлэпчъэIутэу Хьачыр Тамерлан.