«Зенит» ыпэ ишъыщтха?

Хэгъэгум футболымкIэ иапшъэрэ куп хэт командэхэм я 8-рэ ешIэгъухэр Iоныгъом и 18 – 20-м яIагъэх.

КIэуххэр

«Уфа» — «Химки» — 3:2, «Крылья Советов» — «Ростов» — 4:2, «Ахмат» — «Краснодар» — 0:2, «Нижний Новгород» — «Арсенал» — 2:3, «Шъачэ» — «Динамо» — 0:1, «Урал» — «Локомотив» — 0:0, «Рубин» — «Зенит» — 1:3, ЦСКА – «Спартак» — 1:0.

2021 – 2022-рэ илъэс ешIэгъум «Зенит» дышъэр ыхьыным нахь фэхьазыр. Клубым икапитанэу А. Дзюбэ ыпэкIэ зилъыкIэ зэхэщэн Iофыгъохэр зэригъэцакIэхэрэм дакIоу, къэлапчъэм Iэгуаор дидзэу ригъэжьэжьыгъ. С. Азмун, А. Еро­хиным, фэшъхьафхэм хъагъэм Iэгуаор бэрэ радзэ.

Хэта «Зенит» ыпэ иуцощтыр? «Рубин» зыпкъ итэу ешIэрэп, «Динамэр», «Локомотив», фэшъхьафхэр къахэщых, ау дышъэр ахьыщтми къэшIэгъуае.

ЦСКА-р «Спартак» зыдешIэм, А. Заболотнэм я 81-рэ такъикъым къэлапчъэм Iэгуаор дидзагъ. Гъэ­шIэ­гъоны, ЦСКА-р зэ ныIэп къэлап­чъэм зэрэдэуагъэр. «Спартак» на­хьыбэрэ ыпэкIэ илъыщтыгъ, ау хъагъэм Iэгуаор ридзэн ылъэкIы­гъэп. ЦСКА-м икъэлэпчъэIутэу И. Акинфеевыр цыхьэшIэгъоу ешIагъ.

«Краснодар» 2:0-у къыхьыгъ. Р. Кабеллэ я 41-рэ, А. Ильиным я 44-рэ такъикъхэм хъагъэм Iэгуаор радзагъ.

Адыгэмэ ятарихъ къалэу Шъачэ икомандэ «Динамэм» дэгъоу де­шIагъ шъхьаем, хъагъэм Iэгуаор ридзагъэп. «Шъачэ» зэнэкъокъум ия 2-рэ чIыпIэ къыбгынагъ.

ЧIыпIэхэр

1. «Зенит» — 20
2. «Динамо» — 16
3. «Локомотив» — 16
4. «Шъачэ» — 15
5. «Рубин» — 14
6. «Краснодар» — 13
7. ЦСКА — 13
8. «Н. Новгород» — 11
9. «Спартак» — 10
10. «Кр. Советов» — 10
11. «Ахмат» — 9
12. «Уфа» — 8
13. «Арсенал» — 8
14. «Ростов» — 6
15. «Химки» — 6
16. «Урал» — 3.

«Ростов» итренер шъхьаIэу Юрий Семиным къызэриIуагъэу, ухъумакIохэм хэукъоныгъэ къызэрыкIохэр ашIы зыхъукIэ, текIоныгъэр къэпхьыщтэп, ауж къинэрэ клубхэм уахэтыщт. «Ростов» инеущырэ мафэ зыфэдэщтыр Ю. Семиным къыIуагъэгоп.

Я 9-рэ зэIукIэгъухэр

25.09
«Химки» — «Локомотив»
«Зенит» — Кр. Советов»
«Спартак» — «Уфа»
26.09
«Динамо» — «Рубин»
«Ростов» — «Ахмат»
«Краснодар» — «Шъачэ»
27.09
«Урал» — «Арсенал»
«Н. Новгород» — ЦСКА.