«Адыифым» иуплъэкIунхэр

«АГУ-Адыиф» Мыекъуапэ — «Ставрополье» Ставрополь — 34:27 (15:15).
ШышъхьэIум и 27-м Мыекъуапэ щызэдешIагъэх.

Суперлигэм хэт бзылъфыгъэ командэхэм 2021 — 2022-рэ илъэс ешIэгъум зыфагъэхьазырзэ, уплъэкIун зэIукIэгъухэр тикъалэ щызэхащагъэх.

«АГУ-Адыифым» дэгъоу щешIагъэх къэлэпчъэIутэу Людмила Баскаковар, Алина Морозовар, нэмыкIхэри.

Къэлапчъэм Iэгуаор анахьыбэрэ дэзыдзагъэхэр: А. Морозова — 9, А. Куцевалова — 6, Д. Богданова — 6.

ЯтIонэрэ зэIукIэгъур

«АГУ-Адыиф» — «Ставро­полье» — 32:35.
ТиешIакIохэу къэлапчъэм Iэ­гуаор анахьыбэрэ дэзыдзагъэхэр: Клименко — 5, Морозова — 4, Краснокутская — 3, Дмитриева — 3.

Людмила Баскаковар ятIонэрэ зэIукIэгъум ешIэкIо анахь дэгъоу къыщыхахыгъ. «Ставропольем» икъэлэпчъэIутэу ар ешIагъ.
«Ставропольем» икъэлэпчъэIут зэрэcымаджэм къыхэкIэу зэIукIэгъум хэлэжьэн ылъэкIыгъэп. Ащ къыхэкIэу «АГУ-Адыифым» икъэ­лэпчъэIут шъхьаIэ Ставрополь икомандэ щешIагъ.

ЕшIакIохэм яспорт ухьазырыныгъэ хагъэхъоным, илъэс зэнэ­къокъум нахь дэгъоу хэлэжьэнхэм фэшI уплъэкIун зэIукIэгъухэр зэхэтщагъэх, — къытиIуагъ клубэу «Адыифым» итренер шъхьа­Iэу, Урысыем изаслуженнэ тренерэу Александр Реввэ. — Кобл Зурыет, Оксана Колодяжнаяр тиешIэкIо анахь дэгъухэм ахэтэлъытэх. Шъобжхэр зэрагъэ­хъужьырэм къыхэкIэу ахэр зэIу­кIэгъухэм ахэлэжьэнхэу хъугъэп. Илъэс зэнэкъокъум фэхьазырхэу къекIолIэщтых.

Къэбл Зарем, Дарья Гиль­фановар, нэмыкI ешIэкIо ныб­жьыкIэхэу «Адыиф-2-м» хэтхэр уплъэ­кIун ешIэгъум хэлэжьагъэх.

2021 — 2022-рэ илъэс зэнэ­къокъур шъышъхьэIум и 28-м суперлигэм щырагъэжьагъ. «Адыи­фым» иапэрэ ешIэгъу Iоныгъом и 11-м Мыекъуапэ щыкIощт, «Луч» Москва дешIэщт.

Сурэтым итыр: Людмила Бас­какова.