Тызфэсакъыжьмэ нахьышIу

Коронавирусым пэшIуекIорэ вакцинэр зыхязгъэлъхьагъэхэм Тыркоо Аслъан ащыщ.

— Сэ гурыт еджапIэм сырипащэу сэлажьэ, дэгъу дэдэу къызгурэIо вакцинэр зыхямыгъалъхьэу сабыйхэм уахэтыныр зэрэмытэрэзыр. Сэри зыхязгъэлъхьагъ, къыздэлажьэрэ кIэлэегъаджэми сыкъяджагъ щысэ къыстырахынэу. ГухэкI нахь мышIэми, ащ шIуагъэу пылъыр къызгурымыIохэрэр къахэкIыгъэх, нэпцI къэбарэу къекIокIыхэрэмэ цыхьэ ащ фэдэхэм афашIы. Ахэмэ зэдэгущыIэгъухэр адэсшIыгъэх, тызэгурыIуагъэу къысщэхъу. КIэлэегъаджэмэ язакъоп, зэкIэ цIыфхэм сыкъяджэ мы Iофыр Iэпэдэлэл амышIынэу, сыда пIомэ типсауныгъэ изытет ащ бэкIэ елъытыгъ, — къыIотагъ  Тыркоо Аслъан.