Коронавирусым пэшIуекIорэ вакцинэр зыхязыгъэлъхьагъэхэм зыныбжь хэкIотагъэхэри бэу ахэтых. Ахэм зэу ащыщ пенсием щыIэ ГъукIэлI Фатимэ.
— Ковидыр къызежьакIэм мы узым мыщ фэдиз гумэкIыгъуабэ, тхьамыкIэгъуабэ къыздихьын зэрилъэкIыщтыр къыдгурыIуагъэп. Ау уахътэм къыгъэлъэгъуагъ псауныгъэмкIэ, щыIэныгъэмкIэ ар зэрэщынагъор. Ар къыдэслъыти, мы илъэсым имэкъуогъу мазэ прививкэ зязгъэшIыгъ. Мыщ дэжьым сэ симызакъоу, сиунагъо исхэм, къыспэблэгъэ цIыфхэм япсауныгъэрэ ящыIэныгъэрэ къэсыухъумэнхэ зэрэфаер сэркIэ анахь шъхьаIэу щытыгъ. Вакцинацием ишIуагъэ къысэкIынэу, сыныбжь хэкIотагъ нахь мышIэми, сипсауныгъэ изытет зыпкъ ригъэтынэу сыщэгугъы. Мы охътэ къиным нэбгырэ пэпчъ ипсауныгъэ фэсакъын, ищыкIагъэ хъумэ врачхэм зафигъэзэн фае, — къыIуагъ ащ.