Джыри еджэпIиплI агъэуцущт

Адыгеим джыри кIэу еджэпIиплI зэрэщашIы­щтыр къэзыIуагъэр АР-м и ЛIышъхьэу Къум­пIыл Мурат.
Нэбгырэ 1100-м телъытагъэу Мыекъуапэ ыкIи 250-мэ ателъы­тагъэу станицэу Ханскэм ащагъэуцугъэхэр Iоныгъом и 1-м къызэрэзэIуахыщтхэри зэпстэумэ агу къыгъэ­кIы­жьыгъ.

— КIэлэцIыкIухэм гъэсэныгъэ зэрагъэгъотынымкIэ ама­лышIу­хэр ятыгъэнхэм ыкIи ­еджапIэхэр зы сменэм те­гъэхьажьыгъэнхэм афытегъэ­псыхьэгъэ пшъэрылъхэу УФ-м и

Президент къыт­фигъэуцугъэхэр гъэцэкIагъэ зэрэ­хъухэрэм шIуагъэу къытыгъэхэм зэу ар ащыщ, — къы­Iуагъ рес­публикэм ипащэ.

Ащ нэмыкIэу Мыекъуапэ ирайонэу «Михайловэм» нэ­бгырэ 1100-м телъытагъэу джы­ри зы еджапIэ мы мазэм щырагъэжьэщт. Джащ фэдэу рес­публикэр зэнэкъокъум хэлажьи, еджэпIищ кIэу ышIынэу субсидие къыфэкIуагъ. ЛIы­шъхьэм къызэриIуагъэмкIэ, поселкэу Яблоновскэмрэ къуа­джэу Новая Адыгея зыфиIо­рэмрэ ахэр аща­гъэуцущтых. ЕджапIэ пэпчъ нэбгырэ 1100-м телъытагъ.

— Ащ тыкъыщыуцущтэп, ­лъэпкъ проектхэм, къэралыгъо программэхэм, «Единэ Россием» ипроектхэм социальнэ инфраструктурэм игъэпсынкIэ амалэу къатырэр зэкIэ дгъэфедэщт, — къыритхагъ КъумпIыл Мурат иинстаграм нэ­кIубгъо.

ИлъэсыкIэ еджэгъоу къэблагъэрэм изыфэгъэхьазырыни анаIэ зэрэтетыр ЛIышъхьэм къыхигъэщыгъ.