2021-рэ илъэсым имэзихэу пыкIыгъэм АР-м хэгъэгу кIоцI IофхэмкIэ и Министерствэ иIофшIэн зыфэдагъэр бэмышIэу зэфихьысыжьыгъ.
Iофтхьабзэм дакIоу зиIофшIэнкIэ къахэщыгъэхэ къулыкъушIэхэм ведомственнэ тынхэр афагъэшъошагъэх.
Джащ фэдэу Урысыем и МВД ибгъэхалъхьэу «За вклад в освещение деятельности МВД» зыфиIорэр къыфагъэшъошагъ тиIофшIэгъоу, «Адыгэ макъэм» иобозревателэу Iэшъынэ Сусанэ. Ведомствэм иминистрэу Иван Бахиловым тын лъапIэр къыритыжьыгъ.
Iэшъынэ Сусанэ тыфэгушIо, тапэкIи игъэхъагъэхэм ахигъэхъонэу, псауныгъэ иIэнэу тыфэлъаIо.
КIАРЭ Фатим.