Ны-тыхэм макъэ арагъэIугъ

Къэралыгъо фэIо-фашIэхэм япортал ны-ты миллион 12,5-у сомэ мини 10 зэратынэу зытефэхэрэм макъэ аригъэIугъ. Ахъщэр къызэратыщтхэр илъэси 6-м къыщегъэжьагъэу 18-м нэсэу зыпIурэ ны-тыхэр ары.

Агъэхьыгъэ къэбарыр тапэкIэ зэхагъэуцогъэ лъэIу тхылъхэр зэрыт унэе кабинетхэр ары «зэрыфагъэхэр». Ащ къыхэкIэу цIыфэу ар зыфэкIуагъэм икIэрыкIэу лъэIу тхылъ ытхыжьынэу щытэп. Унэе кабинетыр зием къыфэкIогъэ къэбарыр ыуплъэкIунышъ, зэрэтэрэзыр ыгъэунэфынышъ, ПенсиехэмкIэ фондым ытIупщыныр ары ныIэп къыфэнэжьырэр. Ащ фэдэу бэдзэогъум и 12-м пчэдыжьым сыхьатыр 8-м ны-ты миллиони 2,5-мэ ялъэIу тхылъхэр къаушыхьатыгъэх. КIэлэцIыкIу миллиони 3,5-мэ ахэр янэ-ятэх.

ЗыгорэкIэ ны-тыхэм къэралыгъо фэIо-фашIэхэм япортал амыгъэфедэрэмэ, бэдзэогъум и 15-м къыщегъэжьагъэу ахэм лъэIу тхылъхэр порталым щатхынхэ алъэкIыщт.
(Тикорр.).