Сатыр заулэкIэ

Футбол

НыбжьыкIэхэм язэIукIэгъу

Европэм иныбжьыкIэхэм футболымкIэ язэнэкъокъу аухыгъ. Германием ихэшыпыкIыгъэ командэ 1:0-у Португалием текIуи, апэрэ чIыпIэр къыдихыгъ.

Хоккей

Канадэр атекIуагъ

Дунаим хоккеимкIэ изэнэкъокъу Латвием икъалэу Ригэ щыкIуагъ. КIэух зэIукIэгъум Канадэр Финляндием щытекIуи, дышъэр къыдихыгъ. Урысыем ихэшыпыкIыгъэ командэ пэшIорыгъэшъ ешIэгъухэр зыщызэхащэгъэ купым апэрэ чIыпIэр къыщихьыгъ, ау финалым и 1/4-м Канадэр къыщытекIуи, зэнэкъо­къум щылъыкIотагъэп, медальхэм афэбэнэн ылъэкIыгъэп.

Самбо

Ермэлхьаблэ щыкIощт

Къыблэм самбэмкIэ изэнэкъокъу Ермэл­хьаблэ щыкIощт. Илъэс 12 — 14 зыныбжьхэр алырэгъум щызэIукIэщтых. Адыгеим щыщ кIэлэцIыкIухэр зэIукIэгъухэм ахэлэжьэщтых.

Европэм изэнэкъокъу

Рим щырагъажьэ

Европэм футболымкIэ изэнэкъокъу мэкъуогъум и 11-м Италием икъалэу Рим щырагъажьэ. Италиер Тыркуем дешIэщт. Урысыер мэкъуогъум и 12-м Бельгием енэкъокъущт.

Непэ зэдешIэщтых

Мыекъопэ футбол клубэу «Зэкъошныгъэр» «Спартак» Налщык непэ дешIэщт. Зэкъош командэхэр Мыекъуапэ щызэIукIэщтых.