Республикэм вакцинэхэр къыIукIагъэх

COVID-19-м пэшIуекIорэ апэ­рэ вакцинэу «Гам-Ковид-Вак» зыфиIо­рэм, «Спутник V» нахьыбэу зэрэтшIэрэр, мэзэ заулэ хъугъэу ихэлъ­хьан макIо.

ПстэумкIи вакцинэ хэлъхьагъу мин 32-м ехъу тишъолъыр къыIэ­кIэхьагъ. «Спутник V» зыфи­Iо­рэр нэбгырэ мин 27-м ехъу­рэмэ ахалъхьагъ, «ЭпиВакКоро­на» зыцIэр — нэбгырэ 300-мэ, «Ко­виВак-р» — жъо­ныгъуа­кIэм и 24-м республикэм къэсыгъ.

«ЭпиВакКорона» зыфиIорэ лъэпкъым фэдэу хэлъхьагъу 810-рэ, «КовиВакым» фэдэу хэлъхьагъу 780-рэ республикэм къыIэкIэхьагъ. Мы лъэпкъитIур шIоигъоныгъэ зиIэ пстэуми непэ зыхарагъэлъхьан алъэкIыщтэп. Анахь щынагъо зышъхьарыт купхэм къахиубытэхэрэм ыкIи терапевтым цIыфым ипсауныгъэкIэ нахь къекIунэу ылъы­тэхэрэм апэу ахалъхьащтых.

— Урысыем къыщашIырэ вакцинэхэм цыхьэ афэпшIынэу зэрэщытыр, зэрэмыщына­гъохэр теубытагъэ хэлъэу къэт­Iон тлъэкIыщт, щыIэны­гъэми ар къыгъэлъэгъуагъ. Ары пакIошъ, нэмыкI IэкIыб къэрал вакци­нэхэм ащ фэдэу инэу цIыфыр къэзыухъу­мэрэ ахэтэп, — къы­щиIуагъ Владимир Путиным зэхэсы­гъоу иIагъэхэм ащыщ.

Вакцинэр апэу зыхязгъэлъхьагъэхэм ащыщ УФ-м и Президентэу Владимир Путиныр. Ащ ипсауныгъэкIэ ар къехьы­лъэкIыгъэп.
Iэшъынэ Сусан.