Илъэс зэнэкъокъур аухыгъ

Урысыем футболымкIэ иапшъэрэ куп хэт клуб­хэм 2020 — 2021-рэ илъэс зэнэкъо­къухэр аухыгъ.

ЕшIэгъухэр

Я 30-рэ зэIукIэгъухэр зэраухыгъэхэм упчIабэ къапкъырэкIы. Арэу щытми, ешIэгъухэр зэтэгъапшэх.

«Локомотив» — «Урал» — 1:0, «Тамбов» — «Зенит» — 1:5, «Рубин» — «Ротор» — 1:1, «Уфа» — «Арсенал» — 2:1, «Химки» — «Шъачэ» — 0:0, «Ростов» — «Краснодар» — 1:3, «Ахмат» — «Спартак» — 2:2, «Динамо» — ЦСКА — 3:2.

«Краснодар» Ростов-на-Дону» щешIи, 3:1-у текIоныгъэр къыдихыгъ. Олссон 45+4, Вандерсон 60, Панталеан 90+7 такъикъхэм хъагъэм Iэгуаор радзагъ. «Краснодар» иешIакIоу Газинскэм я 49-рэ такъикъым икъэлапчъэ Iэгуаор дидзагъ.

Шъачэ иклуб тигъэгушIуагъ. Я 5-рэ чIыпIэр хэгъэгум изэнэ­къокъу къыщыдихи, Европэм и Кубок фэбэнэнэу фитыныгъэ иIэ хъугъэ.

«Ротор» иешIакIоу Фамарион я 78-рэ такъикъым пенальтикIэ «Рубин» икъэлапчъэ Iэгуаор ди­дзагъ. «Рубин» иешIэкIо анахь дэгъухэм ащыщэу Деспотович 90+3 такъикъым пенальтикIэ хъа­гъэм Iэгуаор ридзагъ. ЕшIэгъур 1:1-у аухыгъ, «Ротор» я 15-рэ чIыпIэм нахь лъагэу дэкIоен ыъэкIыгъэп, апшъэрэ купым къы­хагъэкIыгъ.

ЖъоныгъуакIэм и 16-м зэкIэ ешIэгъухэр мафэм сыхьатыр 2-м рагъэжьэнхэу щытыгъ, ау Уфа щыкIогъэ зэIукIэгъур нахь кIасэу аублагъ, клубэу «Уфа» 2:1-у текIоныгъэр «Арсеналым» къы­шIуихьыгъ.

«Арсенал» ыкIи «Уфа» апэрэ купым хэт клубхэу я 3 — 4-рэ чIыпIэхэр зыIыгъхэм адешIэщтых. ТекIоныгъэр къыдэзыхыхэрэр 2021 — 2022-рэ илъэс зэнэкъо­къум апшъэрэ купым щешIэщтых.

Къыдахыгъэ чIыпIэхэр

1. «Зенит» — 65
2. «Спартак» — 57
3. «Локомотив» — 56
4. «Рубин» — 53
5. «Шъачэ» — 53
6. ЦСКА – 50
7. «Динамо» — 50
8. «Химки» — 45
9. «Ростов» — 43
10. «Краснодар» — 41
11. «Ахмат» — 40
12. «Урал» — 34
13. «Уфа» — 25
14. «Арсенал» — 23
15. «Ротор» — 22
16. «Тамбов» – 13.