Шапхъэхэм адиштэу зэхащэщт

ЖъоныгъуакIэм и 2-м дин мэфэкIышхоу Пас­хэр чыристан диныр зылэжьырэ пстэуми ха­гъэунэфыкIыщт.

Мы мафэр зэрэкIощтыр ­Адыгэ епархием къыIуагъ. Пандемием ыпкъ къикIыгъэ блэ­кIыгъэ илъэсым ар икъу фэдизэу агъэмэфэкIын алъэкIыгъагъэп. Мы илъэсым узыр нахь зэкIэкIуагъэу зэрэщытым къы­хэкIыкIэ цIыфхэр тхьэлъэIухэм якIолIэнхэ амал яIэщт. Ау коро­навирусыр зэпамыхыжьыным фытегъэпсыхьэгъэ шапхъэхэр амыукъонхэм лъыплъэщтых.

Адыгэ Республикэм гъэлъэшыгъэ шIыкIэм ирежим тетэу Iоф ешIэ. Епархиальнэ Советым къызэриIуагъэмкIэ, чэщ тхьэлъэIум цIыфхэр къе­кIолIэнхэ амал яIэщт. ТхьэлъэIу унэхэм ачIэхьанэу щытым ипроцент 50 благъэкIыщтыр. Iофтхьабзэм къекIуалIэхэрэр благъэу зэкIуалIэхэ хъущтэп ыкIи нэгуихъохэр аIулъынхэ фае.