Мэлылъфэгъум и 21-м зэхащэщт

Урысые Федерацием и Президентэу Владимир Путиным мэлылъфэ­гъум и 21-м я 17-у Федеральнэ ЗэIукIэм зыкъыфигъэзэщт. Ащ фэдэ къэбар къытыгъ къэралыгъом ипащэ ипресс-секретарэу Дмитрий Песковым. Ау Iофыгъоу къызтегущыIэщтхэм ягугъу Кремлым къышIырэп.

Шъугу къэдгъэкIыжьын, 2020-рэ илъэсым щылэ мазэм и 15-м мыщ фэдэ Iофтхьабзэу щыIа­гъэм Владимир Путиным анахьэу ынаIэ зытыридзэгъэ лъэныкъохэм ащыщыгъэх демографиер, псауныгъэр къэухъу­мэгъэныр ыкIи унэгъо ныбжьыкIэхэм IэпыIэгъу афэхъугъэныр, джащ фэдэу тегущыIэнхэу конституционнэ гъэтэрэзыжьын заулэ къахилъхьэгъагъ.

Дмитрий Песковым къызэриIуагъэмкIэ, журналистхэм аккредитациер зыщырагъэжьэщт уахътэм ехъулIэу Iофтхьабзэр зыщыкIощт чIыпIэри къаIощт, ар очнэ шIыкIэм тетэу кIощт.

Хабзэ зэрэхъугъэу мыщ къы­рагъэблагъэх сенаторхэр, УФ-м и Къэралыгъо Думэ идепутатхэр, Урысыем и Правительствэ хэтхэр, общественнэ IофшIэкIошхохэр ыкIи СМИ анахь инхэм ялIыкIохэр.