Культурэм и Унэ агъэцэкIэжьыщт

«Къоджэ чIыпIэхэм хэхъоныгъэ ашIыныр» зыфиIорэ федеральнэ программэм къыдыхэлъытагъэу Абдзэхэхьаблэ дэт культурэм и Унэ игъэкIотыгъэ гъэцэкIэжьынхэр рашIылIэщтых.

— Проектым зэритымкIэ псэуалъэм ышъхьэ зэблахъущт, ыкIоцIи зэтырагъэпсыхьащт. Джащ фэдэу псырыкIуапIэр, зэрагъэфэбэрэ системэр зэблахъущтых. ЦIыфхэр зычIэсыщтхэ залым, унэм итеплъэ игъэкIотыгъэ гъэцэкIэжьынхэр арашIылIэщтых, — къыща­Iуагъ Мыекъопэ районым иадминистрацие ипресс-къу­лыкъу.

Мы прогаммэм къыдыхэлъытагъэу АР-м мэкъу-мэщымкIэ и Министерствэ яIэпыIэгъоу муниципалитетым проект 11 ыгъэцэкIэнэу егъэнафэ. Ахэм ахэхьэ социальнэ мэхьанэ зиIэ псэуалъэхэм ягъэцэкIэжьын ыкIи инженернэ инфраструктурэм иобъектхэм яшIын.
Абрэдж Сэтэнай.