«Спартак» нахь лъэшыгъ

«Спартак» Налщык — «Зэкъошныгъ» Мые­къуа­пэ — 3:1.
Гъэтхапэм и 7-м Налщык щызэдешIагъэх.

«Зэкъошныгъ»: Гиголаев, ХъуакIо (Арсеньев, 60), Подковыров, Палажнов, Хьагъур, Къо­нэ, Ещенко (Букия, 50), Гогиты, Ашэ, Бабенко (Делъэкъо Мурат, 75), Крылов (Такълый, 65).

Къэлапчъэм Iэгуаор дэзы­дзагъэхэр: Гугуев — 33, пенальтикIэ, 82, Хьачыр — 66, «Спартак». Къонэ — 90+2, «Зэкъошныгъ».
2020 — 2021-рэ илъэс зэнэ­къокъум ятIонэрэ купэу «Къыб­лэм» хэт футбол клубхэм паублэ­жьыгъ. «Зэкъошныгъэм» ­иапэрэ зэIукIэгъу къош республикэм икъалэу Налщык щыкIуагъ.

«Спартак» истадион зэрэще­шIэрэр къыдилъытэзэ, бэрэ ыпэ­кIэ илъыщтыгъ. М. Гугуевым пенальтикIэ «Зэкъошныгъэм» икъэлапчъэ Iэгуаор зыдедзэм, «Спартак» иешIакIохэм ягуетныгъэ зыкъыIэтыгъ.

ЯтIонэрэ едзыгъом «Зэкъошныгъэм» итренер шъхьаIэу Ешыгоо Сэфэрбый ешIэкIо заулэ зэблихъугъ, ау «Зэкъошныгъэм» ешIэкIэ хэхыгъэ къыгъотын ылъэ­кIыгъэп. ЗэIукIэгъу уахътэр зыщаухыщтым Къонэ Амир «Спартак» икъэлапчъэ дахэу Iэгуаор дидзи тигъэгушIуагъ шъхьае, пчъагъэр 3:1-у текIоныгъэр бысымхэм ахьыгъ.

ЗэдешIэгъухэр

Я 17-рэ ешIэгъухэм якIэуххэр.

«Биолог» — «Легион» — 1:1, «Анжи» — «Форте» — 1:1, «Ессентуки» — «Краснодар-3» — 1:3, «Черноморец» — СКА — 1:0, «Махачкала» — «ТIуа­псэ» — 3:1, «Кубань» — «Интер» — 6:0.

ЧIыпIэхэр

1. «Кубань-Холдинг» — 38
2. «Кубань» — 37
3. «Черноморец» — 35
4. «Легион» — 33
5. СКА – 31
6. «Анжи» — 27
7. «Спартак» — 26
8. «Динамо» — 20
9. «Форте» — 20
10. «Мэщыкъу» — 19
11. «Махачкала» — 19
12. «Краснодар-3» — 17
13. «Зэкъошныгъ» — 15
14. «Биолог» — 15
15. «Интер» — 12
16. «Ессентуки» — 11
17. «ТIуапсэ» — 4.

Я 18-рэ ешIэгъухэр гъэтхапэм и 13-м «Къыблэм» щыкIощтых. «Зэкъошныгъэр» «Динамо» Ставрополь Мыекъуапэ щыIукIэщт.