Адыгеим и ЛIышъхьэ пшъэрылъ афишIыгъ

Урысые Федерацием и Правительствэ и Тхьаматэ 2021-рэ илъэсым мэзаем и 8-м Адыгэ Республикэм къызэрэкIогъагъэм икIэуххэм ате­тэу Михаил Мишустиным унэшъо заулэ ыштагъ. Республикэм имэкъу-мэщ Iоф щызышIэхэрэм, бизнес цIыкIумрэ гурытымрэ ялIы­кIохэм ады­риIэгъэ зэIукIэгъухэм якIэуххэм атетэу ахэр ыштагъэх.

БэмышIэу планернэ зэхэсыгъоу щыIагъэм Адыгэ Респуб­ликэм и ЛIышъхьэу КъумпIыл Мурат республикэ ведомст­вэхэмрэ муниципалитетхэмрэ япащэхэм щариIуагъ Урысые Федерацием и Премьер-ми­нистрэ пшъэрылъэу къафишIыгъэхэр республикэм щыгъэцэ­кIэгъэнхэмкIэ ищыкIэгъэ амал­хэр зэрахьанхэу. Джащ фэдэу Адыгэ Республикэм и Къэралыгъо Совет — Хасэм тыгъуасэ зэхэсыгъоу иIагъэм КъумпIыл Мурат депутатхэм къащыфи­Iотагъ Михаил Мишустинымрэ Урысые Федерацием и Правительствэ хэтхэмрэ республикэм зэрэщыIагъэхэм якIэуххэм афэгъэхьыгъэу.
«АдыгеимкIэ мэхьанэшхо зиIэ Iофыгъохэм язэшIохынкIэ Урысые Федерацием и Президентэу Владимир Путинымрэ Урысыем и Правительствэрэ Iэпы­Iэгъу къызэрэтфэхъухэрэр ренэу зэхэтэшIэ, республикэм къызэ­рэкIуагъэм, тишъолъыр ынаIэ къызэрэтыригъэтырэм афэшI Урысые Федерацием и Премьер-министрэу Михаил Ми­шустиным лъэшэу тыфэраз. Предпринимательхэм IэпыIэгъу ягъэ­гъотыгъэным, мэхьанэшхо зиIэ проектхэр республикэм щыпхырыщыгъэнхэм афэIоры­шIэщт унашъохэу аштагъэхэм ягъэцэкIэнкIэ ищыкIэгъэ амалхэр зетхьанхэр непэкIэ типшъэ­рылъ», — къыIуагъ КъумпIыл Мурат.
Урысые Федерацием и Премьер-министрэ унашъоу ыштагъэхэмрэ пшъэрылъэу къафи­шIыгъэхэмрэ Урысые Федерацием и Правительствэ исайт мэзаем и 15-м къихьагъэх.
1. Ащ Урысыем мэкъу-мэщымкIэ и Министерствэ (Д. Н. Патрушевым) игъо фелъэгъу:
— Урысые Федерацием икъэ­ралыгъо программэу «Къуа­джэ­хэм зэдиштэу хэхъоныгъэ ягъэ­шIыгъэныр» зыфиIоу Урысые Федерацием и Правительствэ 2019-рэ илъэсым жъоныгъуа-
кIэм и 31-м ышIыгъэ унашъоу N 696-р зытетымкIэ аухэсыгъэм къыщыдэлъытэгъэ Iофтхьабзэ-
хэр гъэцэкIэгъэнхэм пае социальнэ инфраструктурэм ипсэуа­лъэхэр Адыгэ РеспубликэмкIэ Джэджэ районым щыгъэпсы­гъэнхэм ыкIи щыгъэкIэжьыгъэн­хэм яIофыгъо Адыгэ Респуб­ликэм иминистрэхэм я Кабинет игъусэу дэлэжьэнэу, Iофэу ашIа­гъэхэмкIэ мэлылъфэгъум и 20-м нэс УФ-м и Правительствэ макъэ ригъэIужьынэу.
2. Урысыем мэкъу-мэщымкIэ и Министерствэ (Д. Н. Пат­­рушевым):
— мэкъу-мэщым хэхъоныгъэ егъэшIыгъэным, мэкъумэщ продукциер, сырьер, гъомылапхъэр зыщыIуагъэкIыщтхэр гъэнэфэгъэнхэм атегъэпсыхьэгъэ къэралыгъо программэу Урысые Федерацием и Правительствэ 2012-рэ илъэсым бэдзэогъум и 14-м ышIыгъэ унашъоу N 717-р зытетымкIэ аухэсыгъэм игуа­дзэу N 6-м къыщыдэлъытэгъэ шапхъэхэм атетэу цумпэ лъа­псэ­хэм якъэщэфын мылъкоу пэIухьащтыр «Агростартапым» игрант къыхахыным ынаIэ тыригъэтынэу, Iофэу зэшIуахыгъэ­хэмкIэ Урысые Федерацием и Правительствэ макъэ ри­гъэIужьынэу.
3. Россельхознадзорым
(С. А. Данкверт):
— Урысые Федерацием ишъо­лъырхэм Iуер къызэрэщямыузырэр псэушъхьэхэр къэзыу­хъумэрэ Дунэе организацием къыфэгъэшъыпкъэжьыгъэнымкIэ Iофхэр нахь ыгъэлъэшынхэу, 2021-рэ илъэсым мэлылъфэ­гъум и 22-м нэс Iофэу ашIагъэхэмкIэ Урысые Федерацием и Правительствэ макъэ ригъэIужьынэу.
4. Урысыем экономикэ хэхъо­ныгъэмкIэ и Министерствэ (М. Г. Решетниковыр), Урысыем мэкъу-мэщымкIэ и Министерствэ (Д. Н. Патрушевыр), Урысыем финансхэмкIэ и Ми­нистерствэ (А. Г. Силуановыр), Урысыем и ФТС (В. И. Булавиныр):
— натрыф къэцпанэм Евразийскэ экономическэ союзым икод шъхьаф къыфыхэгъэкIы­гъэным ехьылIэгъэ Iофыгъом 2021-рэ илъэсым гъэтхапэм и 15-м нэс дэлэжьэнхэу.
5. Урысыем финансхэмкIэ и Министерствэ (А. Г. Силуа­новыр), Урысыем и ФАС
(М. А. Шаскольскэр), Урысыем экономикэ хэхъоныгъэм-
кIэ и Министерствэ (М. Г. Ре­шетниковыр):
— къэралыгъо, муниципальнэ фэныкъоныгъэхэм апае то­вар­хэр къащэфхэ, фэIо-фашIэ-
хэр агъэцакIэхэ зыхъукIэ, зы подрядчикым дашIырэ контрактым ыуасэ зыкъегъэIэтыгъэным дэлэжьэнхэу, ищыкIагъэу зы­хъурэм, шэпхъэ правовой акт гъэнэфагъэм ипроект игъусэу мыщкIэ еплъыкIэу яIэхэр Урысые Федерацием и Правительствэ гъэтхапэм и 15-м нэс Iэ­кIагъэхьанхэу.
6. Урысыем псэолъэшIынымкIэ и Министерствэ (И. Э. Фай­зуллиным), Урысыем фи­нансхэмкIэ и Министерствэ (А. Г. Силуановым):
— Мыекъуапэ икъэлэ парк дэт бассейнхэм ягъэцэкIэжьын мылъкоу пэIухьащтыр къызди­кIыщтым Адыгэ Республикэм иминистрэхэм я Кабинет игъу­сэу дэлэжьэнэу, ащкIэ япредложениехэр мэлылъфэгъум и 15-м нэс Урысые Федерацием и Правительствэ IэкIагъэ­хьанхэу.
Адыгэ Республикэм
и ЛIышъхьэ
ипресс-къулыкъу