Нэбгырэ мин 37-м ехъумэ ателъ

Пыдзэфэ пытэхэр зэрэIуащыхэрэм ыуасэ игъом къэзымытыгъэу Адыгеим исыр нэбгырэ мин 37-м ехъу. Ахэм япшъэрылъхэр игъом амыгъэцакIэхэмэ хьыкумым зызэрэфигъэзэщтыр къызщиIорэ тхылъхэр нэбгырэ мини 10-мэ ООО-у «ЭкоЦентрэм» афигъэхьыгъэх.


— ЧIыфэ зытелъхэм къамытыжьымэ яIоф хьыкумыр хэплъэнэу фэдгъэзэщт. Джащыгъум хэкIым пае къамытыгъэм имызакъоу, ащ техъогъэ пеняри, хьыкумым Iоф зэрэдишIагъэм пае къафалъытагъэри приставхэм къаIахыжьыщт, — къыIуагъ ООО-у «ЭкоЦентрэм» и Адыгэ шъолъыр къутамэ ипащэу Алыбэрд Налбый.

Компанием шъугу къегъэкIыжьы, зэпахырэ узэу дунаир зэлъызыкIугъэм къыз­дихьыгъэ кризисым ыпкъ къикIыкIэ, псэупIэ-коммунальнэ фэIо-фашIэхэм ауасэ игъом зымытыхэрэм тазыр атырамылъхьанэу блэкIыгъэ илъэсым къыдэкIыгъэ­гъэ унашъом 2021-у къихьагъэм кIуачIэ иIэжьэп, игъом зымытэу чIыфэр зэIузгъакIэхэрэм пшъэдэкIыжь ахьыщт. ПсэупIэ-коммунальнэ фэIо-фашIэхэм ауасэ мазэм и 10-м шIомыкIэу зэкIэми атын фаеу законым щыгъэнэфагъ.

ООО-у «ЭкоЦентрэм» и Адыгэ шъолъыр къутамэ
ипресс-къулыкъу.